Նախիջևանում Իրանի գլխավոր հյուպատոսն սկսել է իր պաշտոնական գործունեությունը

Նախիջևանի Ինքնավար Հանրապետությունում Իրանի Իսլամական Հանրապետության նոր գլխավոր հյուպատոս Ազիզ Մանսուրին երեկ այցելել է Բաքու ,որտեղ Ադրբեջանի արտաքին գործերի նախարարության քաղաքական և արարողակարգային հարցերով տնօրենների հետ հանդիպել և նրանց է փոխանցել իր հավատարմագիրը և այնուհետև ուղևորվել է դեպի Նախիջևան։

Իրանցի այս դիվանագետն այսօր պաշտոնապես սկսել է  իր աշխատանքը։

Մանսուրին, օրեր առաջ  իր առաքելության  վայրն ուղևորվելուց առաջ հանդիպել է Իրանի ԱԳ նախարար Հոսեյն Ամիր Աբդոլլահյանի հետ, եւ զեկույց է ներկայացրել Նախիջեւանում Իրանի Իսլամական Հանրապետության գլխավոր հյուպատոսության աշխատանքային նոր ժամանակշրջանում իր առաջիկա ծրագրերի մասին։

Այս հանդիպմանը Ամիր Աբդոլլահյանն անդրադառնալով  հարևանության քաղաքականության շրջանակներում Իրանի Իսլամական Հանրապետության և Ադրբեջանի Հանրապետության  հարաբերություններին, ընդգծել է Ադրբեջանում Իրանի ներկայացուցիչների միջոցով երկու երկրների միջև համագործակցության զարգացման անհրաժեշտությունը: