Իրանի ռազմածովային ուժերի գործունեության ընդլայնումը դեպի բաց ծովեր
Իրանի Իսլամական Հանրապետության բանակի ռազմածովային ուժերի առաջին շրջանի հրամանատարը, ընդգծելով, որ Իրանի ռազմածովային ուժերի գործունեությունն ընդլայնվել է դեպի բաց ծովեր, ասել է.- Տարածաշրջանի անվտանգությունն ապահովելու համար օտարերկրացիների ներկայության կարիք չկա։
Ծովակալ Ղադեր Վազիֆեն կիրակի երեկոյան Իրանի հարավում գտնվող Բանդար Աբբասում Իրանի և Պակիստանի ռազմածովային ուժերի միջև հարաբերությունների ամրապնդման առիթով կազմակերպված միջոցառման ժամանակ նշելով, որ ծովը մեծ հնարավորություն է առաջընթացի և ազգային շահերը պաշտպանելու համար, հստակեցրել է,-Իրանի Իսլամական Հանրապետության ռազմածովային ուժերը միշտ շահագրգռված և պատրաստ են եղել Պակիստանի ռազմածովային ուժերի հետ ընդլայնելու փոխգործակցությունը՝ համատեղ ռազմածովային վարժանքների անցկացման, ուսուցման և տեխնիկական համագործակցության ոլորտներում և համոզված են,որ այս բարիքներով լի ծովի հնարավորությունները պատկանում են տարածաշրջանի ժողովուրդներին։
Ծովակալ Ղադեր Վազիֆեն հավելել է,-Պակիստանի և Իրանի Իսլամական Հանրապետության ռազմածովային ուժերի հարաբերությունները գտնվում են շատ բարձր մակարդակի վրա, և համատեղ վարժանքների իրականացումը հնարավորություն է ստեղծել ավելի մեծ համակարգման համար՝ ցանկացած համատեղ գործողություն իրականացնելու ուղղությամբ։
Պակիստանի բանակի ծովուժի նավատորմի հրամանատար՝ ծովակալ Բալալը ևս հայտարարելով, որ Պակիստանի և Իրանի հարաբերությունները խորը արմատներ ունեն պատմության մեջ, ասել է,-Պակիստանը ձգտում է նպաստել տարածաշրջանում խաղաղությանը և միշտ եղել է միատարր կողմնորոշման համառ կողմնակիցը՝ ծովային անվտանգության սպառնալիքների դեմ պայքարի համար։
Պակիստանի նավախումբը Բանդար Աբասում երեք օր գտնվելու ընթացքում այցելել է Բանդար Աբասի զբոսաշրջային, մշակութային և առևտրային վայրեր և հանդիպել Իրանի Իսլամական Հանրապետության ռազմածովային ուժերի առաջին ռազմածովային շրջանի հրամանատարների հետ։
