ԻԻՀ ատոմային էներգիայի կազմակերպության 20-ամյա ռազմավարական փաստաթղթի մշակումը
Իրանի Իսլամական Հանրապետության ատոմային էներգիայի կազմակերպության ղեկավարը հայտարարեց այս կազմակերպության 20-ամյա ռազմավարական փաստաթղթի մշակման մասին՝ ասելով, որ երկու ամսից կգործարկվեն երեք կենտրոններ՝ առողջապահական և պարենային անվտանգության ապահովման ուղղությամբ։
Մոհամմադ Էսլամին կառավարության նիստի շրջանակում ասել է. «Մեզ համար կարևոր խնդիրը մարդկանց առողջության և պարենային անվտանգության ապահովումն է, բայց մենք ուշ ենք սկսել՝ այլ երկրների հետ համեմատած»։
Նա հավելեց. «Իհարկե, այս կարողությունը ստեղծվել էր երկու տասնամյակ առաջ, բայց այն չէր զարգացել, և այս առումով ջանքեր են գործադրվում առաջիկա երկու ամսում բացել երեք կենտրոն, ինչը դրական քայլ կլինի մարդկանց առողջության պահպանման և գյուղատնտեսական մթերքները վնասատուներից զերծ պահելու գործում»:
Ատոմային էներգիայի կազմակերպության ղեկավարը նշեց, որ այս կազմակերպության ծրագրերից ու ձեռքբերումներից է արմավենու այգիների վնասատուների դեմ միջուկային տեխնոլոգիայի կիրառումը։