Իրանի և Թուրքիայի նախագահների առանձնազրույցը
Իրանի Նախագահը և Ռեջեփ Թայիփ Էրդողանը մոտ 2 ժամ առանձնազրույց են ունեցել Թուրքիայի նախագահական պալատում։
Ի պատասխան իր թուրք գործընկերոջ հրավերին, Իրանի Իսլամական Հանրապետության նախագահ Սեյեդ Էբրահիմ Ռայիսին այսօր չորեքշաբթի Թուրքիայի մայրաքաղաք Անկարա է ժամանել՝ բարձրաստիճան քաղաքական և տնտեսական պատվիրակության ուղեկցությամբ։
Թուրքիա այցից առաջ Իրանի նախագահն ասել է. «Այդ այցն իրականացվում է Թուրքիայի նախագահի հրավերով՝ տարբեր հարցերի, այդ թվում՝ տնտեսական և առևտրային բնագավառների հետ կապված Իրանի և Թուրքիայի միջև համատեղ բարձր պատվիրակություն ձևավորելու նպատակով»։
Ռայիսիի խոսքով՝ Իրանի և Թուրքիայի նպատակն է առևտրատնտեսական հարաբերությունները հասցնել 30 միլիարդ դոլարի մակարդակին։
Իրանի նախագահն ասել է. «Մենք հուսով ենք, որ այս ուղևորության ընթացքում երկու երկրների միջև կզարգանա ինչպես երկկողմ, այնպես էլ տարածաշրջանային և արտատարածաշրջանային համագործակցությունը»: