Իրանի «Արաս» ազատ գոտուց արտահանման ծավալն աճել է 30 տոկոսով
Իրանի «Արաս» ազատ գոտու կազմակերպության գործադիր տնօրենը հայտարարել է, որ իրանական ընթացիկ տարվա 9 ամիսների ընթացքում ազատ գոտու արտահանման ծավալն աճել է 30 տոկոսով:
Լրագրողների հետ ճեպազրույցում, Մաջիդ Քիանին հայտարարել է.«Վերջին 9 ամիսների ընթացքում ազատ գոտուց արտահանվել է 148 մլն դոլարի ապրանք: Այս ցուցանիշը նախորդ տարվա նույն ժամանակահատվածի համեմատ աճել է 30 տոկոսով»։
Նշելով, որ ազատ գոտուց արտահանվում է հիմնականում ջերմոցային արտադրանք, չիր, նավթամթերք, պողպատե թիթեղ, պլաստիկ նյութեր, Քիանին հավելել է, որ Ռուսաստանը, Թուրքիան, Ադրբեջանն, Իրաքը, Հայաստանը, Վրաստանը, ԱՄԷ-ն, Ղազախստանը, Աֆղանստանը և Պակիստանն այն 10 երկրներն են, որոնք ամենամեծ ծավալով ապրանքն են ներկրում «Արաս» ազատ գոտուց:
Նշելով., որ «Արաս» ազատ գոտու հիմնական ռազմավարությունն արդյունաբերական և գյուղատնտեսական միավորների արտադրության և արտահանման ծավալների աճին օգնելն է, ինչպես նաև նոր ներդրումների ներգրավումը, Մաջիդ Քիանին հավելել է. «Արաս արտահանման զարգացման կենտրոնի ստեղծման, արտադրական գործընթացում առկա խոչընդոտների վերացման և ազատ գոտու արտադրանքը միջազգային շուկաներ ներկայացնելու արդյունքում, մենք ականատես եղանք արտադրության, զբաղվածության և արտահանման ծավալների աճին»:
