Երևանի և Իրանի Քիշ կղզու միջև ուղիղ չվերթ կգործարկվի

Քիշի ազատ գոտու կազմակերպության գործադիր տնօրենի Հայաստան կատարած այցից և զբոսաշրջության ոլորտում  պայմանավորվածություններ ձեռք բերվելուց մոտ 5 ամիս անց, Հայաստանի տնտեսական և զբոսաշրջության ոլորտի ակտիվիստների 12 հոգանոց պատվիրակությունն այցելել է Քիշ կղզի՝ Քիշի մասնավոր հատվածի ակտիվիստների հետ բազմակողմ համագործակցության զարգացման մասին համաձայնագիր ստորագրելու նպատակով։

Այս ուղևորության ընթացքում Քիշի մասնավոր հատվածի ակտիվիստների, Հայաստանի տուրօպերատորների խմբի և Armenia Airways ավիաընկերության միջև կստորագրվի  կայուն տնտեսական և զբոսաշրջության զարգացման մոտեցմամբ բազմակողմ համագործակցության զարգացման մասին համաձայնագիր՝ Երևանից դեպի Քիշ կղզի ուղիղ չվերթի գործարկման աշխատանքները նախապատրաստելու համար։ 

Քիշի ազատ  գոտու կազմակերպության հաղորդման համաձայն՝ Քիշ կղզին գրավիչ վայր է Հայաստանի և իր հարևանների զբոսաշրջիկներ համար, և Երևան-Քիշ կղզի ուղիղ չվերթի գործարկումը, բացի Հայաստանի զբոսաշրջիկների ներգրավումից, այն նաև հնարավորություն է տալիս զբոսաշրջիկներ ներգրավել հարևան երկրներից, այդ թվում՝ Ռուսաստանից։

Մյուս կողմից, հաշվի առնելով, որ Հայաստանում ապրում է ավելի քան 50 հազար իրանցի,  ավիաչվերթի գործարկումը պայմաններ կապահովի Հայաստանում և Ռուսաստանում բնակվող իրանցիների համար Քիշ կղզի այցելելու համար։

Քիշի գեղեցիկ ափերը, անվտանգ միջավայրը, գեղեցիկ բնությունը,հարմարությունները և զբոսաշրջային ենթակառուցվածքները, ինչպիսիք են հյուրանոցները, հանգստի վայրերը և տարբեր ռեստորանները, կարող են Քիշ կղզին գրավիչ վայր դարձնել հայ և ռուս զբոսաշրջիկների համար, հատկապես տարվա երկրորդ կեսին: