Ամիր Աբդոլլահյանը նախազգուշացում է Ամերիկային. Իրանի պատասխանը սպառնալիքներին վճռական է և անհապաղ
Իրանի Իսլամական Հանրապետության արտաքին գործերի նախարարն ասել է, որ Իրանի պատասխանը սպառնալիքներին վճռական է և անհապաղ։
Հոսեյն Ամիրաբդոլլահյանը կառավարության այսօրվա (չորեքշաբթի) նիստում, ի պատասխան որոշ ամերիկացի պաշտոնյաների վերջին սպառնալիքների, դիմադրությունը համարել է օկուպացիայի նկատմամբ առկա իրականությունը՝ ընդգծելով, որ Ամերիկան պետք է դադարեցնի սպառնալիքների լեքսիկոնն ու կեղծարարությունը և կենտրոնանա քաղաքական լուծման վրա։
Իրանի արտաքին գործերի նախարարը նաև զգուշացրել է ԱՄՆ-ին, որ Իրանի պատասխանը սպառնալիքներին վճռական է և անհապաղ։
2024 թվականի հունվարի 28-ին Հորդանանի սահմանամերձ շրջաններում ամերիկյան ռազմաբազայի վրա գիշերային անօդաչու թռչող սարքի հարձակման հետևանքով սպանվեցին երեք ամերիկացի զինվորներ, ավելի քան 40-ը վիրավորվեցին։
Այս հարձակումից հետո որոշ ծայրահեղական ամերիկացի պաշտոնյաներ իրենց հատուկ հռետորաբանությամբ պահանջեցին այս երկրի ռազմական արձագանքը Իրանի դեմ։
Սա այն դեպքում, երբ Իրանը բազմիցս ընդգծել է, որ տարածաշրջանում դիմադրության ուժերը Թեհրանից հրահանգ չեն ստանում, և բնականաբար Իրանի Իսլամական Հանրապետությունը որևէ պատասխանատվություն չի կրում տարածաշրջանում նրանց գործողությունների համար։