Քանանի․ Տարածաշրջանում ԱՄՆ-ի իրականացրած ահաբեկչական գործողությունները համահունչ են Իսրայելի գործողություններին
ԻԻՀ ԱԳՆ խոսնակ Նասեր Քանանին նշել է, որ ամերիկացիների կողմից Իրաքում Դիմադրության հրամանատարներից մեկի սպանությունը վկայում է Իսրայելին այդ երկրի անվերապահ աջակցության շարունակության մասին։
ԱՄՆ ԶՈՒ կենտրոնական հրամանատարության ուժերը չոերքշաբթի օրը Բաղդադում ԱԹՍ-ով իրականացրած հարձակման ընթացքում սպանել են Իրաքի ժողովրդական մոբիլիզացիայի հրամանատարներից Աբու Բաքր ալ-Սաադիին։
Իրաքի իշխանությունները և քաղաքական խմբավորումները խստորեն դատապարտել են հարձակումը, պահանջելով վերջ դնել այդ երկրում ամերիկյան զինուժի ներկայությանը։
ԻՌՆԱ-ի հաղորդմամբ՝ խստորեն դատապարտելով հյարձակումը, որի հետևանքով նահատակվել են ահաբեկչության և ԻԼԻՊ-ի դեմ պայքարող մի խումբ զինվորականներ, այդ թվում՝ Աբու Բաքր ալ-Սաադին, ԻԻՀ ԱԳՆ խոսնակ Նասեր Քանանին նշել է, որ այս հարձակումը պետական ահաբեկչության օրինակ է, Իրաքի ազգային ինքնիշխանության ու տարածքային ամբողջականության ոտնահարում և միջոզգային օպրենքների ու կանոնակարգերի խախտում։
Ցավակցելով Իրաքի կառավարությանը և ժողովրդին, Քանանին նշել է․ «ԱՄՆ-ի արկածախնդիր գործողությունների շարունակությունը սպառնալիք է տարածաշրջանային ու միջազգային խաղաղության համար»։
Նա հավելել է, որ միջազգային հանրությունը, ՄԱԿ-ը և ԱՆվտանգության խորհուրդը պետք է քայլեր ձեռնարկեն՝ ԱՄՆ-ի միակողմանի գործողությունները և հակամարտության տարածումը կանխելու ուղղությամբ։
