Իրանի նախագահ. Իրանի անվտանգությունը կախված չէ որևէ երկրից
ԻԻՀ նախագահն ասել է, որ Իրանի անվտանգությունը կախված չէ որևէ երկրից։
ԻԻՀ նախագահ Սեյեդ Էբրահիմ Ռայիսին Իրավապահական գիտությունների համալսարանի ավարտական արարողության ժամանակ նշել է, որ այսօր Իրանում տիրող անվտանգությունն արդյունքն է տարբեր ասպարեզներում ժողովրդի ակտիվ ներկայության և գոյացել է շնորհիվ Իրանի իրավապահ և զինվորական ուժերի զգոնության, բարձր գիտակցության, իրազեկվածության ու ներկայության։
Ռայիսին Իրանի Իսլամական Հանրապետության իրավապահ ուժերի ամենաակնառու հատկանիշներն է համարել փորձը, քաջությունը, իրազեկվածությունը, հավատն առ Աստված, սերը դեպի իսլամական հեղափոխությունը և սերը ժողովրդի հանդեպ և ծառայության խրամատում շարունակական ներկայությունը։ Նա նշել է, որ Զինված ուժերը ազգի հպարտություն են և տեղ ունեն ազգի սրտում, քանի որ ժողովրդի հետ են և ժողովրդի կողքին։
Իրանի Իսլամական Հանրապետության նախագահը փորձառու ռազմական և իրավապահ ուժերի պատրաստումը և երկրի պաշտպանական ենթակառուցվածքների հզորացումը կառավարության կարևոր պարտականություններից է համարել և հավելել, որ պաշտպանական հզորությունը, տնտեսական կայունությունը և մշակութային կարողությունն ազգային հզորության երեք կարևոր բաղադրիչներ են։
Ռայիսին հայտարարել է, որ թշնամին, իրանի ժողովրդի դեմ կատարած բոլոր թշամություններով հանդերձ, գիտի, որ այսօր հենց այս մարդիկ Իրանի Իսլամական Հանրապետության հզորության և հեղինակության ամենակարևոր բաղադրիչն են։
ԻԻՀ նախագահն ասել է․- Իրանի ժողովուրդը միշտ ներկա է և հանձնառու, և այս ներկայության պատճառով վերջին 45 տարում խափանվել են թշնամու բոլոր ծրագրերը։