Թուրքիայի արտգործնախարարը հանդիպել է Համասի քաղաքական բյուրոյի ղեկավարի հետ

Թուրքիայի արտգործնախարարը Անկարայում հանդիպել է Համասի քաղաքական բյուրոյի նոր ղեկավարի և նրան ուղեկցող պատվիրակության հետ։

Ըստ ISNA-ի՝ Թուրքիայի արտգործնախարար Հաքան Ֆիդանը Անկարայում ընդունել է Համասի քաղաքական բյուրոյի նոր ղեկավար Խալիլ ալ-Հայյային և նրան ուղեկցող պատվիրակությանը։ Հանդիպման ընթացքում քննարկվել են պաղեստինյան և տարածաշրջանային ասպարեզներում վերջին զարգացումները։

Ըստ լիբանանյան «ալ-Նաշրա» կայքի՝ Ֆիդանը շնորհավորել է ալ-Հայյային նոր պաշտոնում ընտրվելու կապակցությամբ և մաղթել հաջողություններ իր պարտականությունների կատարման գործում։ Այս քայլը ցույց է տալիս, որ Թուրքիան շարունակում է պահպանել ուղիղ դիվանագիտական ​​հարաբերություններ Պաղեստինի ղեկավարության հետ ստեղծված իրավիճակում։

Հանդիպման ընթացքում ալ-Հայյան անդրադարձել է Գազայի հատվածում և Արևմտյան ափում տիրող իրավիճակին և զգուշացրել Բենիամին Նեթանյահուի կառավարության կողմից անօրինական բնակավայրերի կառուցման ակտիվությունների ուժեղացման և օկուպացված Երուսաղեմում սրբավայրերի վրա շարունակական հարձակումների մասին։

Այս առումով նա հաստատել է, որ Համասը շարունակում է կառուցողական դիրքորոշում որդեգրել խաղաղության բանակցություններում և թուրքական կողմին է ներկայացրել համապարփակ զեկույց պաղեստինյան ազգային հաշտեցման ջանքերի վերջին զարգացումների վերաբերյալ։

Թուրքիայի արտաքին գործերի նախարարն էլ վերահաստատեց իր երկրի աջակցությունը պաղեստինյան հաղափարին բոլոր միջազգային հարթակներում և ընդգծեց, որ Անկարան ջանք չի խնայի՝ Իսրայելի կողմից Գազայում և Արևմտյան ափին կատարված հանցագործությունների հարցը միջազգային հանրության օրակարգում պահելու համար։

Ֆիդանը բարձր գնահատեց Համասի դերը խաղաղության գործընթացում և ընդգծեց դեպի Գազայի հատված մարդասիրական օգնության հոսքի շարունակականությունը և տառապանքներին վերջ դնելու և պաղեստինցի ժողովրդի իրավունքները երաշխավորելու հանձնառությունը։