Ամիր Աբդոլլահյան. Իրանի և Հայաստանի հարաբերությունների զարգացումը բխում է երկու երկրների շահերից
ՀՀ փոխարտգործնախարարի հետ հանդիպմանն ԻԻՀ ԱԳ նախարար Ամիր Աբդոլլահյանն ընդգծել է տարբեր ոլորտներում համագործակցության ամրապնդման և խթանման ուղղությամբ համատեղ ջանքերի շարունակման կարևորությունը, հավելելով․ «Իրանի ու Հայաստանի հարաբերությունների համակողմանի զարգացումը բխում է երկու կողմերի շահերից և կնպաստի ինչպես երկու երկրներում, այնպես էլ տարածաշրջանում օտար երկրների միջամտությունից հեռու խաղաղության, կայունության և կայուն անվտանգության հաստատմանը»։
Վահան Կոստանյանի հետ հանդիպման ժամանակ, անդրադառնալով Երևան կատարած այցին և Հայաստանի վարչապետի և ԱԳ նախարարի հետ կառուցողական բանակցություններին, Ամիր Աբդոլլահյանն ընդգծել է քաղաքական, տնտեսական, առևտրային, գիտական և մշակութային ոլորտներում համագործակցության ամրապնդման և խթանման ուղղությամբ համատեղ ջանքերը շարունակելու կարևորությունը։
Հոհունակություն հայտնելով Ամիր Աբդուլլահյանի հետ հանդիպման կապակցությամբ և իրանցի գործընկերոջը փոխանցելով ՀՀ ԱԳ նախարարի ողջույնները, Վահան Կոստանյանն ընդգծել է, որ , Հայաստանն առանձնահատուկ նշանակություն է տալիս Իրանի հետ հարաբերությունների զարգացմանն ու ընդլայնմանը, և համոզված է, որ դա արդյունավետ ու օգտակար է տարածաշրջանի կայունության ու անվտանգության համար։
Կոստանյանն արդյունավետ է գնահատել Իրանի փոխարտգործնախարարի հետ հանդիպումը և նշել, որ կողմերը նպատակ ունեն շարունակել խորհրդակցությունները տարբեր մակարդակներում։