Իրանն ընդգծել է Գազայի Շաֆա հիվանդանոցում Իսրայելի հանցագործությունների վերաբերյալ միջազգային հետաքննության անհրաժեշտությունը
Իրանի արտաքին գործերի նախարարության խոսնակն ընդգծել է Գազայի Շաֆա հիվանդանոցում ավերածությունների, խոշտանգումների և սպանությունների վերաբերյալ միջազգային հետաքննության անհրաժեշտությունը։
Իրանի արտգործնախարարության խոսնակ՝ Նասեր Քանանին երկուշաբթի օրը վիրտուալ տարածքում իր անձնական էջում գրել է.- Սիոնիստական բանակի երկշաբաթյա պաշարումից հետո Գազայի Շաֆա հիվանդանոցի հրապարակված պատկերները, ականատեսների վկայությունները և այս հիվանդանոցում ավերածությունների, խոշտանգումների, սպանությունների և պաղեստինցի կալանավորների թվի մասին հրապարակված տեսանյութերն ու լուրերը սարսափելի են և ցնցող։
Ընդգծելով, որ այս հանցագործությունների միջազգային հետաքննության հրատապ անհրաժեշտություն կա, Նասեր Քանանին հայտարարեց.- Միջազգային կազմակերպություններն ու կառույցները արդյո՞ք կկատարեն իրենց պարտականությունը։ Հայտնի իրավապաշտպանները կաջակցե՞ն այս բացահայտ ռազմական հանցագործության չափերի մասին միջազգային հետաքննությանը, թե՞ մարդու իրավունքների մասին կշարունակվի ընտրովի և խտրական վերաբերմունքը։
