Իրանի ԱԳՆ խոսնակ. Արաշի հանքավայրի մասին հայտարարություն տարածելը Քուվեյթին որևէ իրավունք չի վերապահում
Ի պատասխան Արաշի հանքավայրի վերաբերյալ Քուվեյթի բազմիցս միակողմանի հայտարարություններին՝ Իրանի արտաքին գործերի նախարարության խոսնակն ասել է․-Անընդհատ նույն հայտարարությունների տարածելը և միակողմանի պահանջներ ներկայացնելը իրավական տեսանկյունից որևէ իրավունք չեն կարող վերապահել Քուվեյթի կառավարությանը։
ԻՌՆԱ-ի հաղորդման համաձայն, Իրանի արտաքին գործերի նախարարության խոսնակ Նասեր Քանանի Չաֆին ի պատասխան Արաշի հանքավայրի վերաբերյալ Քուվեյթի Էմիրի Եգիպտոս կատարած այցի եզրափակիչ հայտարարության մեջ այդ երկրի միակողմանի պնդումներին՝ մերժել է դրանք և ցավալի է համարել Քուվեյթի այս միակողմանի և անհիմն պնդումների կրկնությունը։
Ընդգծելով, որ Իրանի Իսլամական Հանրապետության իրավունքն այս համատեղ հանքավայրում՝ հիմնված է պատմական իրավունքների և երկուստեք բանակցությունների արձանագրությունների վրա, Իրանի արտաքին գործերի նախարարության խոսնակն ասել է,-Այս երկրի իշխանություններին խորհուրդ է տրվում ձեռնպահ մնալ Արաշի համատեղ հանքավայրի իրավատեխնիկական խնդրի հետ կապված քաղաքական և լրատվական ապարդյուն մեթոդների դիմելուց։
Իրանի Իսլամական հանրապետությունը հավատալով բարյացակամության սկզբունքին, մշտապես հետևել է տարածաշրջանային փոխգործակցությանը և երրորդ երկրներին կոչ է անում քայլեր ձեռնարկել բարյացակամության սկզբունքի օբյեկտիվ իրականացման և հարաբերությունների ու համագործակցության խթանման ուղղությամբ։
Արաշի գազի հանքավայրը Իրանի նավթագազային հանքավայրերից մեկն է, որը գտնվում է Պարսից ծոցի հյուսիսում և Իրանի հարավ-արևելյան Բուշեհր նահանգում, որին Սաուդյան Արաբիան և Քուվեյթը անվանում են Ալ-Դարա։
Այս համատեղ հանքավայրի բնական գազի պաշարները գնահատվում են 368 միլիարդ խորանարդ մետր, իսկ նավթի պաշարները՝ մոտ 310 միլիոն բարել։
Թեև Իրանի և Քուվեյթի միջև բանակցությունները Արաշ (Ալ Դարա) համատեղ նավթային հանքավայրի շուրջ սկսվել են 1960 թվականին, սակայն վերջին տարիներին Իրանի և Քուվեյթի միջև երկկողմ բանակցություններ են վարվել Արաշի նավթային հանքավայրի վերաբերյալ, և վերջերս հակասական լուրեր են շրջանռվել նավթային այս հանքավայրի սեփականության մասին։