Իրանի շարունակական համագործակցությունը Ինդոնեզիայում բժշկության մակարդակի բարելավման ուղղությամբ․ Իրանական լապարասկոպիան Ջակարտայում

Pars Today- Ինդոնեզիայի առողջապահության փոխնախարարը Ջակարտայում Իրանի դեսպանի հետ հանդիպմանը կոչ է արել ընդլայնել երկու երկրների համագործակցությունը առողջապահության ոլորտում։

Ինդոնեզիայի առողջապահության փոխնախարար Դանթե Սաքսոնոն Ջակարտայում Իրանի «Լապարասկոպիա» սիմուլյատորի սարքավորումների հանձնման արարողության ժամանակ հույս է հայտնել, որ Իրանի նորընտիր նախագահ Մասուդ Փեզեշքյանի ղեկավարության շրջանում, երկու երկրների համագործակցությունն առողջապահության ոլորտում Ինդոնեզիայում  զգալի փոփոխությունների կհանգեցնի։
Ըստ Pars Today-ի, այս միջոցառման ժամանակ Սաքսոնոն մատնանշել է Իրանի բժշկական առաջընթացը և նշել, որ Իրանի Իսլամական Հանրապետության դերը «Լապարասկոպիա» սիմուլյացիոն գործիքի ստեղծման գործում հիմք է հանդիսացել Ինդոնեզիայի առողջապահական ծառայությունների ոլորտում Իրանի ներդրումների համար:

Ինդոնեզիայի առողջապահության փոխնախարարը RSCM հիվանդանոցում Իրանի դեսպանի ներկայությամբ ընդգծել է, որ «լապարասկոպիան» էական փոփոխություններ է բերել վիրաբուժության գիտության մեջ. Քանի որ միաժամանակ նվազեցնելով ինվազիվ վիրահատության անհրաժեշտությունը՝ նվազագույն ցավով, հանգեցնում է ավելի արագ վերականգնման և ավելի լավ արդյունքների:

Նշելով, որ Իրանի հանգուցյալ նախագահ Էբրահիմ Ռայիսին անցյալ տարի Ինդոնեզիայի նախագահին է ներկայացրել ուրետրոսկոպիայի սիմուլյատորը, Դանթե Սաքսոնոն ասել է, որ Ինդոնեզիան լավ առաջընթաց է գրանցել նահատակ Ռայիսիի աշխատանքի շնորհիվ:

Դանթե Սաքսոնոն նաև ասաց. «Այս սիմուլյատորը հզորացրել է Ինդոնեզիայի բուժման բաժնի աշխատողներին, հետազոտողներին և բժիշկներին»:

Ինդոնեզիայում Իրանի դեսպան Մուհամմեդ Բորուջերդին այս արարողության ժամանակ դիտարկել է իրանական «լապարասկոպիայի» վիրաբուժական սիմուլյատորի շահագործման գործընթացը և ընդգծել. -Անցյալ տարի Իրանի նահատակ նախագահի այցը Ջակարտա շրջադարձային էր երկու երկրների հարաբերությունների ընդլայնման գործում։

Այս միջոցառման ժամանակ Բորուջերդին ասաց. «Մեկ տարի անց, Ինդոնեզիայի գիտական ​​և ակադեմիական տարբեր համայնքներում ականատես ենք լինում Իրանի նահատակ նախագահի ճանապարհորդության ձեռքբերումներին։

Անցած տարի նահատակ Ռայիսիի Ինդոնեզիա կատարած այցի ժամանակ այդ երկրի նախագահին ներկայացվեց «Լապարասկոպիա» վիրաբուժական սիմուլյատորը՝ որպես Իրանի Իսլամական Հանրապետության երիտասարդության տեխնիկական և ինժեներական կարողությունների մի նմուշ՝ իրանական բժշկական սարքավորումները դեպի Ինդոնեզիա արտահանման համար հող նախապատրաստելու նպատակով։ 

Այս սարքը, որի գոյությունը շատ կարևոր է բժշկագիտական համալսարաններում, պատրաստվել է Իրանի երիտասարդ մասնագետների կողմից և արտասահմանյան նմուշների նման կարող է բավարարել ուսանողների կարիքները և միևնույն ժամանակ ավելի ցածր գնով արտահանվել զարգացող երկրներ։

2023 թվականին պայմանագիր է կնքվել նաև Ինդոնեզիայի երկու քաղաքներում իրանցի մասնագետների ներկայությամբ հեռահար վիրաբուժության երկու կենտրոն ստեղծելու մասին։

Իրանն ու Ինդոնեզիան բարեկամական հարաբերություններ ունեն տարբեր ոլորտներում, հատկապես՝ առողջապահության ոլորտում։ Երկու երկրների բարձրաստիճան պաշտոնյաների հայտարարության համաձայն՝ ընդլայնվելու են երկու երկրների հարաբերությունները։

Բանալի բառակապակցություններ՝ Իրան և Ինդոնեզիա, բժշկական զբոսաշրջություն, Իրանի բժշկական զարգացումներ, Ասիայի բժշկական կենտրոն, լապարոսկոպիայի սիմուլյատոր սարքավորում