Իրանը ծիծաղելի է անվանել իրեն ուղղված մեղադրանքները՝ մատնանշելով ամերիկացիների անցյալը իրենց նախագահներին սպանելու հարցում
Parstoday- ՄԱԿ-ում Իրանի Իսլամական Հանրապետության ներկայացուցչությունը հերքել է ԱՄՆ նախկին նախագահ Դոնալդ Թրամփի սպանության մեջ Իրանի դերակատարության մասին ենթադրյալ հաղորդումները և հայտարարել , որ այդ մեղադրանքները անհիմն են և կողմնակալ։
Շաբաթ օրը՝ հուլիսի 13-ին, Փենսիլվանիայի Բաթլեր քաղաքում նախընտրական ելույթի ժամանակ Միացյալ Նահանգների նախկին նախագահ «Դոնալդ Թրամփը» ենթարկվեց հրաձգային հարձակման, ինչի հետևանքով թեթևակի վիրավորվեց։ Ինչպես հայտնում է ParsToday-ը, հարձակվողին ամերիկյան ոստիկանությունը սպանեց դեպքի վայրում, ինչի հետևանքով հարձակվողին հարցաքննելու ու միջադեպի հեղինակներին բացահայտելու հնարավորությունը անավարտ մնաց։ Թրամփի նկատմամբ մահափորձից հետո որոշ ամերիկյան լրատվամիջոցներ տարօրինակ հաղորդումներ էին պատրաստել այն մասին, որ ամերիկացի պաշտոնյաները վերջին շաբաթներին տեղեկություններ են ձեռք բերել, որոնք վկայում են Դոնալդ Թրամփին «սպանելու» Իրանի Իսլամական Հանրապետության ծրագրի մասին:
CNN-ն իր սովորական ոճով, մատնանշելով, որ Թրամփին սպանելու Իրանի պլանի մասին վերոնշյալ տեղեկատվությունը ԱՄՆ պաշտոնյաները ստացել են «մարդկային աղբյուրից», գրել է, որ ԱՄՆ Գաղտնի ծառայությունը, որը պատասխանատու է բարձրաստիճան պաշտոնյաների կյանքի պաշտպանության համար, դրա պատճառով ավելի էր ուժեղացել հանրապետական թեկնածուի անվտանգությունը։
Նյու Յորքում ՄԱԿ-ում Իրանի Իսլամական Հանրապետության ներկայացուցչությունը իր հայտարարության մեջ, ի պատասխան այս պնդումների, հերքել է Թրամփի մահափորձի մեջ Իրանի դերակատարության մասին կեղծ և լրագրողական պնդումները, հայտարարելով, որ Թրամփի ուղղությամբ կրակելու միջադեպը կարելի է դիտարկել որպես Ամերիկայում քաղաքական բռնության աճի ևս մեկ դրսևորում, որն ավելացել է վերջին տարիներին, հատկապես 2021 թվականի հունվարի 6-ին Թրամփի կողմնակիցների կողմից ԱՄՆ Կոնգրեսի վրա հարձակումից հետո։
Հայտարարության մեջ նաև նշվում է, որ հպանցիկ հայացքը Ամերիկայի պատմությանը ցույց է տալիս, որ այս երկրի քաղաքական պաշտոնյաներն ու առաջնորդները, ինչպես նաև քաղաքական և հասարակական ակտիվիստները միշտ եղել են այս երկրում քաղաքական բռնության և ահաբեկչության թիրախ. Այս հարցի վառ օրինակն է 1963 թվականի նոյեմբերին Տեխաս նահանգի Դալլասում ԱՄՆ նախկին նախագահ Ջոն Ֆ․ Քենեդիի սպանությունը, 1968 թվականի հունիսին Կալիֆորնիա նահանգի Լոս Անջելեսում ԱՄՆ նախագահական ընտրությունների դեմոկրատ թեկնածու Ռոբերտ Քենեդու սպանությունը, և 1968 թվականի ապրիլին Թենեսի նահանգի Մեմֆիս քաղաքում աֆրոամերիկյան քաղաքացիական իրավունքների շարժման առաջնորդ Մարտին Լյութեր Քինգի սպանությունը:
ՄԱԿ-ում Իրանի Իսլամական Հանրապետության ներկայացուցչությունը Նյու Յորքում ընդգծել է, որ Իրանի Իսլամական Հանրապետության տեսանկյունից Թրամփը հանցագործ և մեղադրյալ է, որը պետք է դատվի և պատժվի դատարանում Իրանի Իսլամական հեղափոխության պահապանների կորպուսի «Ղուդս» ուժերի նախկին հրամանատար, գեներալ-գնդապետ Ղասեմ Սոլեյմանիի սպանության հրամանը արձակելու համար։ Բացի այդ, Իրանն ընտրել է նրան պատասխանատվության ենթարկելու իրավական ճանապարհը։
Նշենք, որ Իսլամական հեղափոխության պահապանների կորպուսի «Ղուդս» ուժերի այն ժամանակվա հրամանատար, գեներալ-գնդապետ Ղասեմ Սոլեյմանին, ով ԻԼԻՊ-ի կառավարության փլուզման գլխավոր պատճառն էր, 2020 թվականի հունվարի 3-ին, երբ Իրաքի իշխանությունների պաշտոնական հրավերով մեկնել էր այս երկիր, նահատակվեց Բաղդադի օդանավակայանի մոտ ամերիկյան ահաբեկիչ ու ագրեսոր ուժերի օդային հարձակման ժամանակ Իրաքի ժողովրդական մոբիլիզացիայի (Ալ-Հաշդ ալ-Շաաբի) այն ժամանակվա փոխնախագահ Աբու Մահդի ալ-Մուհանդիսի և նրանց 8 ողեկիցների հետ միասին։
Բանալի բառակապակցություններ՝ Դոնալդ Թրամփի սպանությունը, կրակոցներ Ամերիկայում, բռնություններ Ամերիկայում, ԱՄՆ նախագահական ընտրություններ