Կատարի արտգործնախարարը կայցելի Իրան. տարածաշրջանում տիրող իրավիճակի շուրջ բանակցություններ են ծրագրվում
Օգոստոս 22, 2024 18:21 Asia/Tehran
Սպասվում է, որ Կատարի արտաքին գործերի նախարար շեյխ Մուհամեդ բեն Աբդուլռահման Ալ Թանին առաջիկա օրերին կայցելի Թեհրան՝ մի շարք բանակցությունների անցկացման նպատակով, գրում է Tasnim գործակալությունը:
Կատարի բարձրաստիճան դիվանագետը, որը միաժամանակ արաբական երկրի վարչապետն է, կմեկնի Թեհրան՝ բանակցություններ վարելու Իրանի բարձրաստիճան պաշտոնյաների հետ:
Նա մտադիր է հանդիպում ունենալ իր իրանցի գործընկեր Աբբաս Արաղչիի հետ։ Սպասվում է, որ Ալ Թանին կքննարկի Դոհայի և Թեհրանի հարաբերությունները, ինչպես նաև տարածաշրջանային հիմնական խնդիրները։
Վերջին շաբաթների ընթացքում Կատարը ակտիվ դեր է խաղացել Գազայում հրադադարի շուրջ բանակցություններում՝ ստանձնելվ մերձավորարևելյան կարգավորման միջնորդներից մեկի դերը։
Պիտակ
