16 տոկոսով աճել են Իրանի արտահանումները դեպի Եվրասիական 5 երկրներ
Սահաբ- Իրանի Իսլամական Հանրապետության մաքսային ծառայության գլխավոր տնօրենը հայտնել է, որ Իրանի արտահանումները դեպի Եվրասիական տնտեսական միության անդամ երկրներ վերջին հինգ ամսում նախորդ տարվա նույն ժամանակահատվածի համեմատ աճել են 16 տոկոսով։
ԻՌՆԱ-ի հաղորդման համաձայն, Իրանի Իսլամական Հանրապետության մաքսային ծառայության գլխավոր տնօրեն Մոհամմադ Ռեզվանին երեքշաբթի օրը զեկույց է ներկայացրել դեպի Եվրասիական տնտեսական միության անդամ երկրներ արտահանումների վիճակի մասին՝ հավելելով, որ դեպի այդ երկրներ Իրանի արտահանման ծավալը կազմել է 2,2 մլն տոննա, ինչը նախորդ տարվա նույն ժամանակահատվածի համեմատ աճել է 35%-ով։
Նշելով, որ դեպի Եվրասիական տնտեսական միության անդամ 5 երկրներ Իրանի արտահանումների արժեքը կազմում է 748 միլիոն դոլար, Ռեզվանին հայտարարել է, որ արտահանման ամենաբարձր աճը եղել է դեպի Ղրղզստան։
Եվրասիական տնտեսական միությունը Իրանի Իսլամական Հանրապետության հետ ազատ առևտրի համաձայնագիր է ստորագրել 2024 թվականի հունվարի 5-ին։
Այս համաձայնագրով կողմերն իրենց առևտրային փոխանակումներում ամբողջությամբ կվերացնեն մաքսատուրքերը ապրանքների 87%-ի համար։
Նախկինում Եվրասիական տնտեսական միության պայմանագրի վավերացման գործընթացն իրականացվել է Բելառուսի, Ռուսաստանի և Ղրղզստանի խորհրդարաններում։
Հայաստանը և Ղազախստանը, որպես Եվրասիական միության երկու այլ անդամներ, ինչպես նաև Իրանի Իսլամական Հանրապետությունը, որպես այս միության հետ պայմանագրի կողմ, պետք է անցնեն վավերացման իրավական գործընթաց՝ ազատ առևտրի համաձայնագրի իրագործման համար։
