Իսլամական համագործակցության կազմակերպությունն արձագանքել է Իրանի դեմ Իսրայելի ագրեսիային

Իսլամական համագործակցության կազմակերպությունն դատապարտել է Իրանի դեմ Իսրայելի ագրեսիային։

Հղում անելով ԻՌՆԱ-ին, «Սահաբ»  գործակալությունը հայտնում է, որ կազմակերպության՝ հինգշաբթի օրը տարածած հաղորդագրության մեջ ասվում է․ «Իրանի դեմ Իսրայելի ռեժիմի ագրեսիան միջազգային իրավունքի և ՄԱԿ-ի կանոնադրության, ինչպես նաև ԻԻՀ ինքնիշխանության և տարածքային ամբողջականության բացահայտ խախտում է»:

Կազմակերպությունը խստորեն դատապարտել է Իսրայելի ռեժիմի կողմից Իրաքի ինքնիշխանության և տարածքային ամբողջականության խախտումը՝ այդ երկրի օդային տարածքն ԻԻՀ դեմ ագրեսիա իրականացնելու համար։

Իսլամական համագործակցության կազմակերպությունն ընդգծել է, որ Իրանը և տուժած մյուս երկրներն ունեն իրենց ինքնիշխանությունը, տարածքային ամբողջականությունը, անվտանգությունը և ժողովրդին պաշտպանելու բնական իրավունք՝ համաձայն միջազգային իրավունքի և ՄԱԿ-ի կանոնադրության:

Ավելի վաղ Չմիավորման շարժումը և ՄԱԿ-ի կանոնադրությունը պաշտպանող բարեկամների խումբը նույնպես դատապարտել են Իրանի դեմ Իսրայելի ռեժիմի վերջին ագրեսիան, հայտարարելով․ «Այս դատապարտելի հարձակումը ՄԱԿ-ի կանոնադրության, միջազգային իրավունքի հիմնարար սկզբունքների և ԻԻՀ ինքնիշխանության ու տարածքային ամբողջականության բացահայտ խախտում է»։

Հոկտեմբերի 26-ին Իսրայելը հարձակում էր իրականացրել Իրանի Թեհրան, Իլամ և Խուզեստան նահանգներում տեղակայված մի շարք ռազմական օբյեկտների վրա։

Իրանի ՀՕՊ ստորաբաժանումը հաջողությամբ հակազդել էր հարձակմանը։