Իրան. Անկախ երկրներին մեղադրելը օրինախախտումների տարածում է
Սահաբ - Իրանի արտգործնախարարության խոսնակն անհիմն, անհեթե և մերժելի քայլ է անվանել Կուբայի հասցեին ԱՄՆ-ի մեղադրանքները և այդ երկրի անունը, այսպես կոչված, ահաբեկչությանը աջակցող պետությունների ցուցակում ավելացնելը։
Ինչպես հաղորդում է Sahab լրատվական ցանցը, վկայակոչելով IRNA-ն, Իրանի արտաքին գործերի նախարարության խոսնակ Իսմայիլ Բաղայի Համանեն հինգշաբթի օրը, հակազդելով Կուբայի անունը կրկին այն երկրների ցանկում ավելացնելու քայլին, որոնք ըստ ԱՄՆ-ի աջակցում են ահաբեկչությանը, ասել է, որ ԱՄՆ-ն երկար անցյալ ունի անհիմն ու կամայական ցուցակագրումների ու անկախ պետությունների զրպարտության գործում՝ օգտագործեվ այն որպես արտաքին քաղաքականության առաջխաղացման գործիք։
Բաքայի Համանեն նման գործողությունները համարել է միջազգային իրավունքի սկզբունքներին ու նորմերին հակասող և անկախ պետությունների դեմ միակողմանի ու դաժան պատժամիջոցներ կիրառելու պատրվակ՝ ասելով, որ Անվտանգության խորհրդի մշտական անդամի նման միակողմանի գործողությունները ոչ միայն խախտում են Կուբայի ժողովրդի մարդու հիմնարար իրավունքները, այլև դա միջազգային մակարդակում օրենքի գերակայության առավել թուլացում է և օրինախախտումների տարածում, և հարկավոր է այն արժանանա միջազգային հանրության հակազդեցությանը:
ԱՄՆ նորընտիր նախագահ Դոնալդ Թրամփը չեղարկել է նախկին նախագահ Ջո Բայդենի որոշումը՝ Կուբային ահաբեկչությունը հովանավորող պետությունների ցուցակից հանելու մասին։
Անցյալ շաբաթ Բայդենի վարչակազմը ուշացած քայլով Կուբային հանեց ահաբեկչությունը հովանավորող պետությունների ցուցակից։
ԱՄՆ-ի այս գործողությանը արձագանքել է նաև Կուբայի նախագահ Միգել Դիաս-Կանելը` հայտարարելով, որ ԱՄՆ նոր նախագահը, ամբարտավանությունից և ճշմարտության հանդեպ արհամարհանքից ելնելով, կրկին խաբեբայությամբ Կուբային անվանել է որպես ահաբեկչությանը հովանավորող երկիր: Զարմանալի չէ. Թրամփի նպատակը Կուբայի դեմ դաժան տնտեսական պատերազմի սրումն է՝ գերիշխանության նպատակով։
