Իրանում Ավստրալիայի նոր դեսպան. Իրանական կինոն կարող է պայքարել Արևմուտքի խեղաթյուրումների դեմ

Թեհրանում Ավստրալիայի դեսպան Յան Մաքքոնվիլը նշել է, որ իրանական կինոն կարող է պայքարել Արևմուտքի խեղաթյուրումների դեմ։

Մաքքոնվիլն իր առաքելությունը ստանձնել է 2024թ հունիսին։  Սակայն ավելի վաղ նա այցելել է Իրան, իսկ վերջերս եղել է Շիարզում։  Հիշելով 2017թ․ Իրան կատարած իր այցը, դեսպանը նշել է, ոի Շիրազը կարևոր զբոսաշրջային կենտրոն է, և շատ ավստրալացիներ ծանոթ են այս քաղաքին։

Նա հավելել է, որ Շիրազը կարող է Ավստրալիայի տարբեր քաղաքներ հետ համագործակել  տուրիզմի և գյուղատնտեսության ոլորտներում։

Pars Today-ի հաղորդմամբ՝ ԻՌՆԱ-ի հետ հարցազրույցում դեսպանն անդրադարձել է իրանական արվեստին։ Ստորև ներկայացնում ենք մի հատված այդ հարցազրույցից։

- Ի՞նչ եք կարծում, որքանո՞վ են արվեստն ու կինոն օգնել Իրանին՝ աշխարհին ներկայանալ իր իրական կերպարով։

- Կինոն ու արվեստը մշակութային հաղորդակցության միջոցներից են։ Իսկ կինոն Իրանի մշակույթի կարևոր առանձնահատկություններից է և հայտնի ամբողջ աշխարհում։ Իրանական մեծ թվով ֆիլմեր վերջին տարիներին արժանացել են միջազգային մրցանակների։ Հաճելի է  ետսնել, որ Ավստրալիայում նույնպես Իրանի արվեստին ծանոթ են։

- Որքանո՞վ եք ծանոթ իրանական կինոյին և համարո՞ւմ եք, որ այն ունի միջազգային ասպարեզ դուրս գալու ներուժ։

- Միջազգային ասպարեզում Իրանի կինոն դրական համբավ ունի և ճանաչված է։ Եվ այսօր արդեն այն ճանաչվում է նաև համաշխարհային մակարդակով։ Իրանական ֆիլմերն այսօր էլ արժանանում են միջազգային մրցանակների։ Եվ կարծում եմ, որ Իրանն ունի բազմաթիվ գաղափարներ որոնք կարող է ներկայացնել աշխարհին։ Իրանի կինոարդյունաբերությունը կարող է հաղթահարել խոչընդոտները և ցույց տալ, որ համաշխարհային հանրությունն, ի վերջո, միասնական և եզակի համայնք է: Ուստի երբ Արևմուտքն Իրանին այլ կերպ է ներկայացնում, կինոարդյունաբերությունը կարող է ներկայացնել իրանական մշակույթի և  հասարակութան իրական պատկերը։

- Խնդիրներ առկա են բոլոր երկրներում։ Սակայն ԶԼՄ-ներում ներկայացված Իրանի պատկերը լրիվ տարբերվում է։ Ի՞նչ կարծիք ունեք Դուք այդ մասին:

- Աշխարհի բոլոր երկրներում կան հատվածներ, որոնք մուտք գործելիս ու որոնց հետ շփվելիս հասկանում ես, որ քո ընկալումը տարբերվում է։ Եվ Իրանը բացառություն չէ։ Իրանն ունի հարուստ պատմություն։ Այստեղ առկա է սեր մշակույթի հանդեպ և  կարևորվում է ընտանիքի դերը։ Իրանի կինոյի առանձնահատկություններից մեկը կայանում է նրանում, որ այն չի անտեսում շատ հարցեր ու դրանց վերաբերվում է շատ պարզ ձևով։ Կարծում եմ արդեն մի քանի տասնամյակ Իրանը հայտնի է դրա միջոցով։