Իրանի գիտական առաջընթացը․ Ինդոնեզիայում տեղադրվել է ռոբոտային վիրաբուժության նոր սերնդի իրանական համակարգը
Pars Today - Ինդոնեզիայի Մեդան և Մակասար քաղաքներում Հեռահար ռոբոտային վիրաբուժության «Sina» իրանական համակարգի երրորդ և չորրորդ նմուշները ուսուցման փուլ են մտել։
Ինդոնեզացի վիրաբույժները հեռահար ռոբոտային վիրաբուժության «Sina» իրանական համակարգի աշխատանքը գոհացուցիչ են գնահատել և ցանկանում են ավելի շատ օգտագործել իրանական այս համակարգը։
Ինչպես նշում է Pars Today-ը, վերջերս Ինդոնեզիայի Մեդան և Մակասար քաղաքներում հեռահար ռոբոտային վիրաբուժության «Sina» իրանական համակարգի երրորդ և չորրորդ նախատիպերը թեւակոխել են ուսուցման փուլ։ Այս առումով, ի լրումն նախորդ 112 վիրաբույժների, ովքեր վերապատրաստվել են Բանդունգ և Ջակարտա քաղաքներում՝ Սինա ռոբոտով վիրահատություն անելու համար, 100 նոր վիրաբույժներ ևս Սինային են միացել Մեդան և Մակասար քաղաքներում և գրանցվել վերապատրաստման դասընթացներ անցնելու համար:
«Սինա» հեռահար ռոբոտային վիրաբուժության իրանական համակարգի նշանավոր հաջողություններից է Ինդոնեզիայի կողմից այդ համակարգից երկու ապարատի գնումը և 500 կիլոմետր հեռավորության վրա երկու երկրների նախագահների ներկայությամբ ցուցադրական կերպով հեռահար ռոբոտային վիրաբուժության առաջին կատարումը։ Ինդոնեզիայի առողջապահության նախարարությունը վերջերս երկու նոր ապարատ է պատվիրել։