Իրանի ԻՀՊԿ-ն հայտարարել է երկրի հարավարևելքում 9 զինված ահաբեկչի ձերբակալման մասին
Իրանի Իսլամական հեղափոխության պահապանների կորպուսը (ԻՀՊԿ) հայտարարել է, որ Իրանի հարավ-արևելքում իրականացված հսկողության բարդ գործողության ընթացքում ինը զինված ահաբեկչի է ձերբակալել, հայտնում է Mehr-ը։
Իսլամական հեղափոխության պահապանների կորպուսի հայտարարության համաձայն, Իրանի հարավարևելյան Սիստան և Բելուջիստան նահանգում երկու ահաբեկչական խումբ է ոչնչացվել։
Հաղորդման համաձայն,նահանգի հարավում ինը ահաբեկիչներից բաղկացած երկու խումբ է հայտնաբերվել, նախքան նրանք կարող էին դիվերսիա իրականացնել:
Ահաբեկիչներից առգրավվել է նաև զգալի քանակությամբ զինամթերք, ասվում է հաղորդման մեջ։
Ահաբեկչական խմբերը ոչնչացվել են 2024 թվականի նոյեմբերին մեկնարկած լայնածավալ հակաահաբեկչական գործողության շրջանակներում։
Իսլամական հեղափոխության պահապանների կորպուսը խոստացել է շարունակել վճռականորեն պայքարել բոլոր տարրերի դեմ, որոնք վտանգ են ներկայացնում Սիստան և Բելուջեստան նահանգի անվտանգության համար:
