Հայաստանի դեսպանը հանդիպել է Իրանի խորհրդարանի Ազգային անվտանգության հանձնաժողովի նախագահի հետ

Թեհրանում ՀՀ դեսպան Գրիգոր Հակոբյանը հանդիպել և բանակցություններ է վարել Իրանի Իսլամական խորհրդարանի Ազգային անվտանգության հանձնաժողովի նախագահ Էբրահիմ Ազիզիի հետ։

Կողմերը քննարկել են երկկողմ և տարածաշրջանային հարցեր և ընդգծել խորհրդարանական համագործակցության առավել ամրապնդումը։

Իսլամական խորհրդարանի Ազգային անվտանգության հանձնաժողովի նախագահ Էբրահիմ Ազիզին և   Թեհրանում ՀՀ դեսպան Գրիգոր Հակոբյանը  ընդգծել են երկու երկրների օրենսդիր մարմինների միջև համագործակցության ակտիվացումը՝ դրա համատեքստում կարևորելով ԻԻՀ ազգային անվտանգության և արտաքին քաղաքականության հանձնաժողովի փոխգործակցությունը ՀՀ ԱԺ արտաքին հարաբերությունների ու Պաշտպանության և անվտանգության հարցերի մշտական հանձնաժողովների հետ: