Հեղափոխության առաջնորդ. Իսլամական աշխարհում միասնությունը մեծ տերությունների շանտաժին դիմակայելու միակ միջոցն է
Ինչպես հաղորդում է Pars Today-ը՝ հղում անելով Գերագույն առաջնորդի գրասենյակի տեղեկատվական կայքին, Իմամ Խամենեին այսօր առավոտյան համակարգի պաշտոնյաների, իսլամական երկրների դեսպանների և Իրանի ժողովրդի տարբեր խավերի հետ հանդիպման ժամանակ, այս տոնն անվանեց իսլամական աշխարհի միացման կետը և Իսլամի ու նրա սուրբ մարգարեի արժանապատվությունը բարձրացնող՝ հավելելով.-Իսլամի անընդհատ աճող արժանապատվությունը պահանջում է իսլամական ումմայի միասնությունը, վճռականությունն ու խորաթափանցությունը:
Իսլամական հեղափոխության առաջնորդը իսլամական աշխարհի համար կարևոր հնարավորություն է համարել մահմեդական մեծ բնակչությունը, առատ բնական հարստությունը և աշխարհի զգայուն աշխարհագրությունում գտնվելու վայրը և նշեց․-Այս հնարավորություններից ու զգայուն իրավիճակներից օգտվելու նախապայմանն իսլամական աշխարհի միասնությունն է։ Անշուշտ, միասնությունը չի նշանակում, որ կառավարությունները միավորվում են կամ բոլոր քաղաքական միտումներում նրանք միանման են մտածում, այլ ավելի շուտ դա նշանակում է ճանաչել ընդհանուր շահերը և սահմանել սեփական շահերը այնպես, որ չառաջացնեն տարաձայնություններ, կոնֆլիկտներ կամ վեճեր միմյանց միջև:
Ընդգծելով, որ իսլամական աշխարհն ամբողջությամբ ընտանիք է, և իսլամական պետությունները պետք է մտածեն և գործեն այս հեռանկարով, առաջնորդն ավելացրեց. Իսլամական Հանրապետությունն իր ձեռքը մեկնում է բոլոր իսլամական պետություններին և իրեն եղբայր է համարում նրանց հետ, որոնք գտնվում են ընդհանուր և գլխավոր ճակատում։
Իմամ Խամենեին ասել է. -Այսօր, ցավոք, թույլ պետությունների և ազգերի շանտաժն ու շորթումը դարձել է մեծ տերությունների սովորական և բացահայտ գործելակերպը, որի դեմ մենք՝ իսլամական երկրները, պետք է պաշտպանենք իսլամական աշխարհի իրավունքները։
Այս հանդիպման սկզբում Իրանի իսլամական հանրապետության նախագահ դոկտոր Փեզեշքյանը մուսուլմանների համար սուրբ Ռամադան ամսվա կարեւորագույն ուսմունքներից է համարել «արժանապատվությունը, հպարտությունը, միասնությունը, ներողամտությունը, եղբայրությունը և ճնշվածներին օգնելը»:
Դիմելով իսլամական երկրների դեսպաններին՝ Փեզեշքյանը հայտարարել է, որ այսօր իսլամական աշխարհի խնդիրն է մի կողմ թողնել տարաձայնությունները և միասնական ճակատ կազմել ընդդեմ Սիոնիստական ռեժիմի և իսլամի թշնամիների, և ընդգծեց․ որ Իսլամական Հանրապետությունը բարեկամության և եղբայրության ձեռք է մեկնում իսլամական բոլոր երկրներին։