Փեզեշքյան․ Իրանը ձգտում է ամրապնդել իր հարաբերություններն Ուզբեկստանի հետ

Pars Today - Իրանի նախագահը Ուզբեկստանի նախագահի հետ հեռախոսազրույցում ասել է.«Մենք ջանում ենք հենվելով ընդհանրությունների վրա ամրապնդել երկու երկրների հարաբերությունները ՝ ի շահ մեր ժողովուրդների»։

Ինչպես հաղորդում է Pars Today-ը՝ վկայակոչելով IRNA լրատվական գործակալությունը,ԻԻՀ  Մասուդ Փեզեշքյանը  երեքշաբթի կեսօրին Ուզբեկստանի նախագահ Շավքաթ Միրզիյոևի հետ հեռախոսազրույցում նրան և  այդ երկրի ժողովրդին  շնորհավորելով իսլամական Այդ ալ-Ֆիտր  բարեբաստիկ տոնի և Նովրուզի՝ իրանական Նոր տարվա կապակցությամբ, ասել է․-Մենք ջանում ենք  հենվելով Իրանի և Ուզբեկստանի ժողովուրդների քաղաքակրթական, մշակութային և կրոնական  ընդհանրությունների վրա, էլ ավելի ամրապնդել տնտեսական, քաղաքական և մշակութային հարաբերությունները՝ ի շահ մեր ժողովուրդների։

Այս հեռախոսազրույցում Ուզբեկստանի նախագահ Շավքաթ Միրզիյոևը նաև իր և իր երկրի ժողովրդի անունից շնորհավորելով Իրանի նախագահին,  ժողովրդին և Իսլամական հեղափոխության գերագույն առաջնորդին  իսլամական Այդ ալ-Ֆիտր բարեբաստիկ տոնի  կապակցությամբ, ասել է․-Մենք միշտ ականատես ենք եղել, որ Ձերդ Գերազանցությունը, որպես Իրանի նախագահ, քայլեր եք ձեռնարկել ազգային միասնության ամրապնդման, առաջընթացի արագացման, և հարևանների հետ հարաբերությունների ամրապնդման ուղղությամբ։ Հուսով եմ, որ Իրանի և Ուզբեկստանի հարաբերությունների ընդլայնման ճանապարհային քարտեզը մեր փոխադարձ ջանքերով հնարավորինս արագ կիրականացվի։

Միրզիյոևը  նաև  Իրանի ֆուտբոլի ազգային հավաքականի՝ աշխարհի առաջնության ուղեգիր նվաճելու կապակցությամբ շնորհավորել է  դոկտոր Փեզեշքյանին, Իրանի ժողովրդին և Իրանի ֆուտբոլի ազգային հավաքականին: