Բաղայի. Գերմանիայի քայլը՝ Մարդու իրավունքների խորհրդին հակաիրանական բանաձեւ ներկայացնելու համար, միջամտողական է
Pars Today. Իրանի ԱԳՆ խոսնակը Իրանի Իսլամական Հանրապետության նկատմամբ Գերմանիայի ԱԳՆ-ի վերջին դիրքորոշումն անվանել է միջամտողական ու կեղծարարություն՝ դատապարտելով այն։
Հղում անելով IRNA-ին, Pars Today-ը հաղորդել է, որ Էսմայիլ Բաղային այսօր՝ ապրիլի 11-ին, անդրադառնալով Գերմանիայի կողմից մարդու իրավունքների մեխանիզմների շարունակական չարաշահմանը այլ երկրների, այդ թվում՝ Իրանի դեմ իր քաղաքական նպատակներն առաջ մղելու համար, այդ երկրի քայլը Բրիտանիայի և մի շարք այլ պետությունների հետ միասին՝ Մարդու իրավունքների խորհրդում հակաիրանական բանաձև ներկայացնելու հարցում համահունչ է համարել մարդու իրավունքների հարցում իրենց ընտրովի մոտեցմանը և երկակի ստանդարտներին: Նա հավելել է․ Գերմանիան, որպես Իսրայելի ցեղասպան ռեժիմին զենք մատակարարող երկրորդ պետություն, մեղսակից է Պաղեստինի և տարածաշրջանի անմեղ ժողովրդի դեմ իրականացված բոլոր հանցագործություններին և մարդու և մարդասիրական իրավունքների կոպիտ ոտնահարմանը, հետևաբար, նա չունի որևէ բարոյական և օրինական իրավունք՝ մարդու իրավունքների հարցում իրեն բարեխղճի տեղ դնելու համար:
Հիշեցնելով իրանական ազգի պատմական պահանջը, որ Գերմանիան պատասխանատվության ենթարկվի նախկին իրաքյան ռեժիմի քիմիական զենքի ծրագրի մշակման գործում իր ակտիվ և գիտակցված մասնակցության համար, որը պարտադրված պատերազմի ժամանակ հանգեցրեց տասնյակ իրանցի զինվորների և խաղաղ բնակիչների նահատակությանն ու վիրավորմանը, Բաղային խորհուրդ է տվել գերմանացի պաշտոնյաներին, որ եթե նրանք ազնիվ են մարդու իրավունքների և արդարադատության վերաբերյալ իրենց պնդումներում, ապա Համաձայնեն Իրանի Իսլամական Հանրապետության պաշտոնական առաջարկին` ստեղծելու համատեղ փաստահավաք մեխանիզմ՝ բացահայտելու ճշմարտությունը Սադամի ռեժիմին քիմիական զենքով զինելու գործում գերմանական պետական և մասնավոր ընկերությունների և իշխանությունների դերի մասին, որը վաղուց ներկայացվել է Թեհրանում Գերմանիայի դեսպանատանը: