Թեհրանն արձագանքել է Բեռլինի միջամտողական գործողություններին.
Իրան. Գերմանիան նախկինում եղել է Սադդամի հանցագործությունների գործընկերը, իսկ այժմ Նեթանյահուի հանցակիցն է։
ԻԻՀ ԱԳՆ խոսնակ Էսմայիլ Բաղայի Համանեն Թեհրանի վերբերյալ Գերմանիայի վերջին դիրքորոշումն անվանել է «միջամտողական» և խստորեն դատապարտել այն։ Նա նշել է, որ այդ գործողությունն Արևմուտքի ընտրովի մոտեցման և մարդու իրավունքների ոլորտում երկակի ստանդարտների կիրառման վկայություն է, դատապարտելով Գերմանիայի կողմից Իրանի ու այլ երկրների նկատմամբ մարդու իրավունքների մեխանիզմների շարունակական չարաշահումը` իր քաղաքական նպատակներն առաջ մղելու համար։
Բաղայի Համանեն անդրադարձել է նաև Գերմանիայի գիտակցված մասնակցությունը Իրաքի Բաաս ռեժիմի կողմից քիմիական զենքի ծրագրի մշակմանը և կոչ արել գերմանացի պաշտոնյաներին համաձայնվել փաստահավաք խումբ ստեղծելու Իրանի առաջարկին, եթե նրանք ազնիվ են մարդու իրավունքների հարցում:
Իրավաբանական հարցերով ԻԻՀ փոխարտգործնախարար Քազեմ Ղարիբաբադին իր ուղերձում քիմիական զենքից տուժած իրանցիներին անվանել է մարդու իրավունքների մասին Գերմանիայի հայտարարությունների անհեթեթության կենդանի օրինակ՝ ընդգծելով, որ ժամանակի ընթացքը չի նվազեցնում Բեռլինի պատասխանատվությունը Սադդամի ռեժիմի ռազմական հանցագործություններին մասնակցելու համար։
Համատեղ փաստահավաք խումբ ստեղծելու Իրանի առաջարկը հիմնված է «ճշմարտության» և «արդարության» սկզբունքների վրա։