Իրանահայ պատգամավորը կոչ է անում վճռական կերպով արձագանքել Էրդողանի անհիմն պնդումներին
Իրանի Իսլամական խորհրդարանում Թեհրանի և հյուսիսային Իրանահայության պատգամավոր՝ Արա Շահվերդյանը պահանջել է Իրանի դիվանագիտական ապարատի հուժկու պատասխանը «որոշ հարևանների» անհիմն պնդումների և ծավալապաշտական քաղաքականության դեմ։
Անդրադառնալով Թուրքիայի նախագահ Ռեջեփ Թայիփ Էրդողանի կողմից վերջերս արված անխոհեմ և անպատասխանատու հայտարարություններին՝ Թավրիզը Թուրքիայի հոգևոր աշխարհագրության մաս համարելու վերաբերյալ, Շահվերդյանը նման հայտարարությունները համարեց բացահայտ վիրավորանք Իրանի ժողովրդի և երկրի տարածքային ամբողջականության նկատմամբ և ընդգծեց, որ Իրանի ազգային ինքնիշխանությունն ու տարածքային միասնությունը երբեք չպետք է անհիմն ու պատրանքային թեմաների առարկա դառնան:
Խորհրդարանի օրակարգի ընթացքում ամբիոնից իր ելույթում Շահվերդյանն անդրադարձել է 1915 թվականին տեղի ունեցած «Հայոց ցեղասպանության» ողբերգությանը և խոսքն ուղղելով Թուրքիային՝ ասաց. «Եթե Թուրքիայի կառավարությունն իրեն համարում է Օսմանյան կայսրության ժառանգորդ, ապա պետք է պատասխանատվություն կրի նաև այդ դարաշրջանի մութ ժառանգության համար»։
Նա Հայոց ցեղասպանության ժխտման քաղաքականությունը համարեց Պաղեստինի դեմ Իսրայելի ռեժիմի հանցագործությունների նկատմամբ աշխարհի անտարբերության հիմքը՝ հավելելով, որ Իրանի Իսլամական Հանրապետությունը միշտ պաշտպանել է ճնշվածների իրավունքները, և այդ մոտեցումը հիմնված է կրոնական ու ազգային ուսմունքների և միջազգային պարտավորությունների վրա։
Իրանահայության պատգամավորը նաև մատնանշեց Իրանի զինված ուժերի զսպող ուժն ու կարողությունը և հույս հայտնեց, որ Իրանի բանակցային թիմը ժողովրդի աջակցությամբ և Գերագույն առաջնորդի ցուցումներով արժանապատիվ արդյունք կբերի Իրանի համար։