Իրանի Արտաքին գործերի նախարարը կմեկնի Մասկատ՝ գլխավորելով դիվանագիտական և տեխնիկափորձագիտական պատվիրակությունը
Pars Today – Իրանի Արտաքին գործերի նախարարության խոսնակը լրագրողների հետ զրույցում հայտարարեց, որ արտաքին գործերի նախարար Սեյեդ Աբբաս Արաղչին մայիսի 25-ին՝ ուրբաթ երեկոյան, կմեկնի Մասկատ՝ գլխավորելով դիվանագիտական և տեխնիկափորձագիտական պատվիրակությունը՝ Միացյալ Նահանգների հետ անուղղակի բանակցություններ վարելու համար։
Հղում անելով IRNA-ին, Pars Today հայտնել է, որ Իսմայիլ Բաղային, անդրադառնալով երկու կողմերի միջև ձեռք բերված պայմանավորվածությանը՝ երկու երկրների ավագ բանակցողների մասնակցությամբ միաժամանակ անցկացնել տեխնիկափորձագիտական հանդիպում, ասել է. «Հյուրընկալող Օմանի կողմից կազմված պլանավորման և Իրանի ու Միացյալ Նահանգների համաձայնության հիման վրա, շաբաթ օրը՝ մայիսի 26-ին փորձագիտական հանդիպումներ և անուղղակի բանակցություններ կանցկացվեն Իրանի արտաքին գործերի նախարարի և ԱՄՆ նախագահի հատուկ ներկայացուցչի միջև»։
Իրանի Արտաքին գործերի նախարարության խոսնակը հայտարարել է, որ բանակցություններում առաջընթացը պահանջում է մյուս կողմի բարի կամքի, լրջության և իրատեսության դրսևորում, և ընդգծեց, որ Իրանի Իսլամական Հանրապետության պատվիրակությունը, հաշվի առնելով անցյալի պատմությունն ու նախորդ փորձը, իր յուրաքանչյուր քայլը կձևակերպի ըստ մյուս կողմի վարքագծի և ջանք չի խնայի Իրանի ժողովրդի օրինական իրավունքներն ու շահերը պաշտպանելու համար։
IRNA լրատվական գործակալության հաղորդմամբ՝ Իրանի Իսլամական Հանրապետության և Ամերիկայի Միացյալ Նահանգների միջև բանակցությունների երկրորդ փուլը տեղի է ունեցել շաբաթ օրը (ապրիլի 19-ին)՝ անուղղակի կերպով, Օմանի միջնորդությամբ, Իտալիայի մայրաքաղաք Հռոմում, իսկ այդ բանակցությունների առաջին փուլը՝ տեղի է ունեցել ապրիլի 14-ին՝ Օմանի Մասկատ քաղաքում։