Պակիստանի արտգործնախարարը բարձր է գնահատել Իրանի ջանքերը տարածաշրջանում խաղաղության խթանման գործում
Պակիստանի ԱԳ նախարար Մոհամմադ Իսհաք Դարը իր իրանցի գործընկեր սեյեդ Աբբաս Արաղչիի հետ հեռախոսազրույցում բարձր է գնահատել տարածաշրջանային խաղաղությանն ուղղված ԻԻՀ ջանքերը համար։
Նա հաջողություն է մաղթել վաղը Մասկատում կայանալիք Իրան-ԱՄՆ բանակցությունների նոր փուլին և բարձր գնահատել Իրանի դրական դերը լարվածության նվազեցման գործում։
Հեռախոսազրույցը կայացել է Պակիստանի և Հնդկաստանի միջև լարվածության աճի ֆոնին։ Զրույցի ընթացքում Իսհակ Դարն իր իրանցի գործընկերոջը տեղեկացրել է տարածաշրջանային վերջին զարգացումների, մասնավորապես՝ Հնդկաստանի սադրիչ և մտահոգիչ գործողությունների մասին։
Պակիստանի արտգործնախարարն ընդգծել է, որ տարածաշրջանային վեճերը նվազեցնելու ուղղությամբ Իրանի ջանքերը շատ կարևոր են։
Ավելի վաղ, X-ում արած գրառման մեջ, Աբբաս Արաղչին նշել էր, որ Հնդկաստանն ու Պակիստանը Իրանի հարևաններն ու եղբայրներն են, որոնք ունեն հարյուրամյակներ շարունակ գոյություն ունեցող մշակութային և պատմական կապեր։ Նա գրել է. «Այս երկու երկրները, ինչպես մեր մյուս հարևանները, մեր արտաքին քաղաքականության առաջնահերթություն են»։
Հարկէ նշել, որ Իրանը, որպես տարածաշրջանի ազդեցիկ խաղացող, փորձում է միջնորդի դեր խաղալ լարվածության նվազեցման գործում։