Իրանական Բենդեր Աբբաս քաղաքում հզոր պայթյուն է տեղի ունեցել

Իրանի հարավում գտնվող Բենդեր Աբբաս քաղաքի Շահիդ Ռաջայի նավահանգստում հզոր պայթյուն է որոտացել։ Այս մասին հայտնում է իրանական Tasnim գործակալությունը` վկայակոչելով Իրանի Հորմոզգան նահանգի ԱԻ բաժնի ղեկավարին։

Վիրավորների և զոհերի թվի մասին հստակ տեղեկություններ դեռ չկան, սակայն պայթյունն այնքան ուժեղ է եղել, որ այն լսել են Քեշմ կղզում, որը գտնվում է Պարսից ծոցի Բենդեր Աբբաս նավահանգստային քաղաքից առնվազն 20 կմ հեռավորության վրա:

Միջադեպի պատճառը պաշտոնապես չի նշվում, սակայն ենթադրաբար պայթել է վառելիքով լի ցիստեռնը: Այժմ հրշեջները փորձում են մեկուսացնել կրակը։

Tasnim-ի տվյալներով` պայթյունը տեղի է ունեցել վարչական շենքում` նավամատույցի շրջանում։

Իրանի հարավում գտնվող Շահիդ Ռաջայի նավահանգստում պայթյունի հետևանքով 47 մարդ է տուժել։