Պուտինն ու Փեզեշքիանը հեռախոսազրույց են ունեցել. ինչ է քննարկվել
ԻԻՀ նախագահ Մասուդ Փեզեշքիանը և Ռուսաստանի նախագահ Վլադիմիր Պուտինը հեռախոսազրույց են ունեցել:
ISNA-ի փոխանցմամբ՝ Կրեմլը երեքշաբթի օրը տարածած հաղորդագրության մեջ հայտարարել է․
«Երկու երկրի նախագահները պայմանավորվել են ակտիվացնել գործնական համագործակցության և արտաքին քաղաքական համակարգման ամրապնդման ուղղությամբ համատեղ աշխատանքը։
Կարծիքներ են փոխանակվել միջազգային եւ տարածաշրջանային հրատապ հարցերի շուրջ, ներառյալ Իրանի եւ ԱՄՆ-ի միջև իրանական միջուկային ծրագրի շուրջ Օմանի միջնորդությամբ բանակցությունների ընթացքը»:
Կողմերը քննարկել են համապարփակ ռազմավարական գործընկերության պայմանագրի հիման վրա Իրանի և Ռուսաստանի համագործակցության զարգացմանը վերաբերող հարցեր:
Շահիդ Ռաջայի նավահանգստում տեղի ունեցած պայթյունի հետևանքով մոտ 70 մարդու մահվան կապակցությամբ Պուտինը ցավակցություն է հայտնել։
Իրանի նախագահն շնորհակալություն է հայտնել ՌԴ-ին՝ նշված պայթյունի հետևանքների վերացման գործում ցուցաբերած աջակցության համար՝ նշելով ՌԴ ԱԻՆ-ի (Արտակարգ իրավիճակների նախարարություն) բարձր պրոֆեսիոնալիզմը:
Իրանի նախագահը ջերմորեն շնորհավորել է Վլադիմիր Պուտինին և Ռուսաստանի բոլոր քաղաքացիներին՝ Հայրենական մեծ պատերազմում տարած հաղթանակի 80-ամյակի կապակցությամբ:
