Ղալիբաֆ. Աշխարհի ապագան կորոշվի Ասիայում, այլ ոչ թե Վաշինգտոնում
Իրանի Իսլամական Խորհրդարանի խոսնակը նշել է, որ տարածաշրջանի և աշխարհի խաղաղությունն ու կայունությունը չի որոշվի Վաշինգտոնում, ո՛չ էլ Թել Ավիվում, և ո՛չ էլ որոշ եվրոպական մայրաքաղաքներում, այլ կորոշվի այստեղ՝ Ասիայում՝ մեծ և քաղաքակրթություն կերտող ազգերի շրջանում։
Iranpress-ի հաղորդմամբ՝ Մոհամմադ Բաքեր Ղալիբաֆը այսօր առավոտյան Իրանի Իսլամական Հանրապետության հյուրընկալությամբ սուրբ Մաշհադ քաղաքում կայացած Ասիական Խորհրդարանական վեհաժողովի (APA) բացման ելույթում ընդգծել է, որ աշխարհի նկատմամբ մեկ կամ երկու երկրների գերիշխանության դարաշրջանն ավարտվել է, և սկսվել է Ասիայի դարաշրջանը։ Նա ասել է. «Ասիայի կարևորությունը ոչ միայն բնակչության թվաքանակի և ընդարձակ տարածքի մեջ է, այլև Ասիայի կարևորությունը կայանում է նրա երկրների մտավոր անկախության, մշակութային բազմազանության և բազմակողմանիության ձգտման համար ընդհանուր կամքի մեջ»։
Այս մայրցամաքում ոչ մի երկիր մյուսին չի թելադրում, այլ բանակցում է, հարգվում է ազգերի ինքնորոշման իրավունքը, և համագործակցությունը փոխարինում է առճակատմանը, իսկ արդարությունը՝ զոռբայությանը։
Քննադատելով արևմտյան տերությունների միջամտությունը տարբեր երկրների ներքին գործերին, Ղալիբաֆն ասել է. «Վերջին տասնամյակներում Իրանի ժողովուրդը պատմության մեջ ամենադաժան և կազմակերպված թշնամական գործողությունների թիրախ է դարձել՝ անմարդկային պատժամիջոցներով, գիտական և խաղաղ միջուկային առաջընթացը կանխելու փորձերով, և, ի վերջո, սիոնիստական ռեժիմի կողմից Իրանի միջուկային օբյեկտների և քաղաքացիական կենտրոնների վրա ուղղակի և վախկոտ հարձակումով՝ Միացյալ Նահանգների բացահայտ միջամտությամբ»։
Ընդգծելով, որ Իրանը երբեք իր ազգային անվտանգությունը, պաշտպանական կարողությունները և առաջընթացի անօտարելի իրավունքը չի դարձնի բանակցությունների առարկա, Իրանի խորհրդարանի նախագահը, ասել է. «Դիվանագիտության դռները դեռևս բաց են, բայց իրական դիվանագիտությունը իմաստալից է այն ժամանակ, երբ այն ուղեկցվում է փոխադարձ հարգանքով և ընդհանուր շահերով, այլ ոչ թե զոռբայությամբ ու սպառնալիքներով»։