Ատոմային էներգիայի զարգացման անհրաժեշտությունը. Իրանում առաջադեմ միջուկային տեխնոլոգիաների զարգացումը կշարունակվի

Pars Today - Իրանի Ատոմային էներգիայի կազմակերպության ղեկավարը, ընդգծելով մաքուր և կայուն էներգիային հասանելիության բացարձակ անհրաժեշտությունը, հայտարարեց, որ չնայած որոշ երկրների մտահոգություններին Իրանի կողմից առաջադեմ միջուկային տեխնոլոգիաների զարգացման վերաբերյալ, այս ուղին կշարունակվի։

Երկուշաբթի օրը, «Էլմ-օ-սանաաթ» համալսարանում (Գիտության և տեխնոլոգիայի համալսարան) ուսանողի օրվան նվիրված միջոցառմանը, Իրանի Ատոմային էներգիայի կազմակերպության ղեկավար, փոխնախագահ Մոհամմադ Էսլամին, հղում անելով միջազգային կառույցների զեկույցներին, ասաց. «Աշխարհը մտահոգված է Իրանի առաջադեմ միջուկային տեխնոլոգիաների զարգացման ուղղությամբ ձեռնարկած քայլերով. սակայն Իրանը որոշել է շարունակել այս ուղին, քանի որ  մաքուր և կայուն էներգիային երկրի կարիքն բացարձակ անհրաժեշտություն է»։

Pars Today-ի փոխանցմամբ, Իրանի Ատոմային էներգիայի կազմակերպության ղեկավարն անդրադարձել է Իրանի հարավում գտնվող Բուշերի ատոմակայանի երկրորդ և երրորդ բլոկների նախագծի առաջընթացին և հայտարարել, որ այս նախագծի վրա աշխատում է ավելի քան 6000 մարդ։ Այս էլեկտրակայանի առաջին բլոկը մինչ օրս արտադրել է 72 միլիարդ կիլովատտ ժամ էլեկտրաէներգիա և ունի առնվազն 50 տարվա օգտակար ծառայության ժամկետ։

Իրանի ատոմային էներգիայի կազմակերպության ղեկավարը նաև ընդգծել է երկրի միջուկային նվաճումները տարբեր ոլորտներում, այդ թվում՝ գյուղատնտեսության ոլորտում՝ ստեղծելով 500,000 տոննա արտադրանքի ճառագայթման հզորություն՝ թափոնները կրճատելու և սննդային անվտանգությունը բարձրացնելու համար, առողջապահության ոլորտում՝ արտադրելով 72 տեսակի ռադիոդեղագործական դեղամիջոցներ, որոնք տարեկան օգտագործվում են մոտ 1.5 միլիոն մարդու կողմից, և տեխնոլոգիական ոլորտում հայտարարել է բնական գազից հելիումի գազի արտադրության և վերջին երեք տարիների ընթացքում 500 գիտական ​​և տեխնոլոգիական նվաճումների մասին։

Իրանի փոխնախագահն ընդգծել է. «Եթե Իրանը ուրան չհարստացնի, չի կարողանա արտադրել միջուկային վառելիք, որի հետևանքով չի կարողանա արտադրել ռադիոդեղագործական դեղամիջոցներ»։ Իրանի ատոմային էներգիայի կազմակերպության ղեկավարը հայտարարել է, որ Իրանն իր օրակարգում ունի միջուկային արդյունաբերության զարգացումը՝ մարդկանց կյանքի վրա ազդեցություն ունենալու համար, և սա համարվում է կազմակերպության հիմնական ռազմավարությունը, մինչդեռ գործունեությունը կշարունակվի միջազգային կանոնակարգերի շրջանակներում։