Իրանը պատասխան գործողություններ է ձեռնարկել Եվրամիության դեմ
Ի պատասխան Եվրամիության անդամ պետությունների կողմից ԻՀՊԿ-ն ահաբեկչական կազմակերպություն ճանաչելու որոշման, Իրանի ԱԳՆ-ն ԵՄ բոլոր անդամ պետությունների ռազմածովային և ռազմաօդային ուժերը հայտարարել է ահաբեկչական։
Նախարարությունը հայտարարել է. «ԵՄ անդամ պետությունները, հակասելով ՄԱԿ-ի կանոնադրության և միջազգային իրավունքի սկզբունքներին, Իսլամական հեղափոխության պահապանների կորպուսը, որը երկրի զինված ուժերի պաշտոնական ճյուղերից մեկն է, հայտարարել են «ահաբեկչական կազմակերպություն»։
Ի պատասխան այդ քայլի, Իրանի Իսլամական Հանրապետությունը, հղում անելով փոխադարձության սկզբունքին և 2019 թվականին ընդունված փոխադարձության մասին օրենքի 7-րդ հոդվածին, ԵՄ բոլոր անդամ պետությունների ռազմածովային և ռազմաօդային ուժերը համարել է այս օրենքի ենթակա և փոխադարձության շրջանակներում դրանք հայտարարել է «ահաբեկչական կազմակերպություններ»»։