Ալի Լարիջանիի՝ Ազգային անվտանգության բարձրագույն խորհրդի քարտուղարի նահատակությունը
Հանուն բարեգութ և գթասիրտ Աստծո։«Հավատացյալների մեջ կան մարդիկ, ովքեր հավատարիմ մնացին այն ուխտին, որ կնքել էին Աստծու հետ․ նրանցից ոմանք իրենց ուխտը կատարել են, իսկ ոմանք սպասում են, և նրանք ոչ մի փոփոխություն չեն կատարել»։
Սիրելի և արժանապատիվ Իրանի ժողովուրդ,
«Աստծու ծառան միացավ Աստծուն»։
Նահատակների մաքուր հոգիները գրկեցին Աստծու նվիրյալ ծառայի՝ նահատակ դոկտոր Ալի Լարիջանիի մաքուր հոգին։ Նա, Իրանի և Իսլամական հեղափոխության բարձրացման ճանապարհին երկարամյա պայքարից հետո, վերջապես հասավ իր վաղեմի երազանքին, ընդունեց Աստծու կանչը և պատվով՝ ծառայության դիրքերում, արժանացավ նահատակության բարձրագույն պարգևին։ Նա միացավ նահատակների առաջնորդին՝ Իմամ Ալիին (խաղաղություն նրա վրա), ինչպես նաև նահատակության և ջիհադի առաջնորդներին, այդ թվում՝ Այաթոլլահ Սեյյեդ Ալի Խամենեիին, իր նահատակ ուսուցչին՝ Այաթոլլահ Մոթահարիին, և իր նահատակ ընկերներին՝ Սեյյեդ Հասան Նասրալլահին և Հաջ Ղասեմ Սոլեյմանիին։
Նա մինչև կյանքի վերջին պահերը նվիրված էր Աստծու խոսքի բարձրացմանը և Իրանի զարգացման ու հզորացման գործին, մշտապես կոչ էր անում ժողովրդին և պաշտոնյաներին՝ պահպանել միասնությունն ու համախմբվածությունը թշնամու դեմ։ Ի վերջո, սուրբ Ռամադան ամսվա լուսաբացին, իր հավատացյալ որդու՝ Մորթեզայի, ինչպես նաև Ազգային անվտանգության բարձրագույն խորհրդի քարտուղարության անվտանգության հարցերով տեղակալ Ալի Ռեզա Բայաթի և մի խումբ խիզախ պահապանների հետ, նա արժանացավ նահատակության բարձրագույն աստիճանին։
Վերջնական հաղթանակը սպասում է ճշմարտության ճանապարհի մարտիկներին, և այս նահատակությունները առավել կկամրապնդեն ժողովրդին ու համայնքին՝ շարունակելու այդ Աստծու մարդկանց ուղին։ Նրա նահատակությունը արժանի պարգև էր նրա երկարամյա պայքարին։
Նրա հիշատակը հավերժ, և նրա ուղին՝ շարունակական լինի։
«Եվ մենք վրեժ լուծեցինք հանցագործներից, և մեր պարտքն էր օգնել հավատացյալներին»։
Ազգային անվտանգության բարձրագույն խորհրդի քարտուղարություն
Իրան | Այաթոլլահ Սեյյեդ Ալի Խամենեիի նահատակությունից 18 օր անց
