Ղարիբաբադի. ԱՄՆ-ի հետ ցանկացած փոխըմբռնում պետք է երաշխավորի Իրանի ազգային շահերը
ԻԻՀ ԱԳ իրավական և միջազգային հարցերով փոխնախարարը ընդգծել է. «Մինչև Իրանի ազգային շահերը լիովին չերաշխավորվեն, ԱՄՆ-ի հետ որևէ համաձայնագիրը չի ստորագրվի»։
Ինչպես հաղորդում է Pars Today-ը՝ հղում անելով Իրանի հեռուստատեսությանը Քազեմ Ղարիբաբադին ընդգծել է, որ Իրանի Իսլամական Հանրապետությունը հույսը դնում է իր ուժի, ժողովրդի և ժողովրդական աջակցության վրա և ասել. «Իրաննն անկախ երկիր է և որոշումը կկայացնի այնպես, որ այն համապատասխանի իր շահերին, առանց սպասելու որևէ երկրի կանաչ լույսին»։
Քազեմ Ղարիբաբադին հավելել է. «40-օրյա պատերազմում ԻԻՀ զինված ուժերը և ժողովուրդը սիոնիստական ռեժիմին և ԱՄՆ-ին հզոր պատասխան տվեցին։ Արդյունքում նրանք պարտվեցին, իսկ Իրանը գրանցեց փայլուն հաղթանակ»։
Անդրադառնալով Իրանի և ԱՄՆ-ի միջև բանակցությունների վերջին վիճակին, Ղարիբաբադին ասել է. «Քանի դեռ Իրանի Իսլամական Հանրապետությունը չի եկել այն եզրակացության, որ փոխըմբռնումը կլուծի իր բոլոր մտահոգություններն ու անհանգստությունները, և որ իր շահերը լիովին կերաշխավորվեն, բնականաբար, որևէ փաստաթուղթ չի ստորագրվի»։
Պատասխանելով այն հարցին, որ ըստ Դնոլադ Թրամփի պնդումների՝ Իրանի և ԱՄՆ-ի միջև բանակցությունները լավ ընթացք ունեն, Քազեմ Ղարիբաբադին ասել է. «Ամերիկացիներին անհրաժեշտ է այս փոխըմբռնումը և բանակցությունները, և սա ակնհայտ է, բայց մենք կմիանանք բանակցային գործընթացին, երբ Իրանի ազգային շահերը բավարարվեն»։
