Ղալիբաֆը՝ Թրամփին. Պետք է կատարել ստանձնած պարտավորությունները՝ առանց որևէ արդարացման

Իրանի իսլամական խորհրդարանի նախագահ Մոհամմադ Բաղեր Ղալիբաֆն արձագանքելով ԱՄՆ նախագահ Դոնալդ Թրամփի հայտարարություններին, ընդգծել է, որ պարտավորությունները պետք է կատարվեն առանց որևէ նախապայմանի կամ արդարացման։

Pars Today-ի հաղորդմամբ՝ հղում կատարելով IRNA-ին, Ղալիբաֆն X-ում անգլերեն գրառմամբ նշել է. «Պետք է կատարել ստանձնած պարտավորությունները՝ առանց որևէ «եթե»-ի, «բայց»-ի և արդարացման»։
Ղալիբաֆը հավելել է, որ առաջիկայում սպասվող համաձայնության հասնելու համար այլ ճանապարհ չկա։ Նրա խոսքով՝ «յուրաքանչյուր ոք ի վերջո կհնձի այն, ինչ ցանել է», և առանց որևէ արդարացման անհրաժեշտ է կատարել արդեն իսկ տրված հանձնառությունները։