ԻՀՊԿ Ռազմածովային ուժեր. Հորմուզի նեղուցը փակ է

Pars Today - Իսլամական հեղափոխության պահապանների կորպուսի ռազմածովային ուժերի հրամանատարությունը հայտարարել է. Հորմուզի նեղուցը փակ է, և ցանկացած անցում հնարավոր կլինի միայն ԻՀՊԿ Ռազմածովային ուժերի հետ համակարգմամբ։

Իրանի ռադիոհեռուստատեսության լրատվական գործակալությանը հղում անելով՝ Pars Today-ը հաղորդել է, որ ԻՀՊԿ Ռազմածովային ուժերի հրամանատարությունը սոցիալական ցանցերում գրել է. CENTCOM-ը ստում է, թե Հորմուզի նեղուցում երթևեկությունը շարունակվում է, և որ նավագնացության ընկերությունները կարող են անցնել Հորմուզի նեղուցով առանց որևէ խնդրի և ամերիկյան ուղեկցությամբ։ Սակայն իրականում Հորմուզի նեղուցը փակ է, և ցանկացած անցում հնարավոր կլինի միայն ԻՀՊԿ Ռազմածովային ուժերի հետ համակարգմամբ։

Միևնույն ժամանակ, Պարսից ծոցի ջրային ուղիների կառավարման մարմինը հայտարարել է. Տարածաշրջանում ԱՄՆ ռազմական ուժերի շարունակական ագրեսիվ գործողությունների պատճառով Հորմուզի նեղուցով անցումը հնարավոր չէ։ Հենց որ կայունություն և անդորր հաստատվի, բոլոր դիմումները կքննարկվեն, և թույլտվությունները կտրամադրվեն փուլ առ փուլ՝ ըստ հերթականության և ժամանակացույցի։