Իրան-Հայաստան էլեկտրաէներգիայի փոխանակման ծավալները ավելանում են
Իրանի էներգետիկայի փոխնախարարը հայտարարել է Իրանի և Հայաստանի միջև էլեկտրաէներգիայի փոխանակման շարունակության և երկու երկրների միջև էլեկտրաէներգիայի փոխանցման ծավալները մեծացնելու ծրագրերի մասին։
Pars Today-ի փոխանցմամբ՝ Մոստաֆա Ռաջաբի Մաշհադին, ներկայացնելով հարևան երկրների հետ Իրանի էլեկտրաէներգիայի փոխանակման վերջին վիճակը, նշել է, որ Հայաստանի հետ էլեկտրաէներգիայի փոխանակման ծավալը զգալի է, և որ երկու երկրների միջև էլեկտրաէներգիայի փոխանցման երրորդ գիծը կգործարկվի հաջորդ տարվա ընթացքում։
Մատնանշելով էլեկտրաէներգիայի մատակարարման և փոխանակման հարցում Իրանի հյուսիսային հարևանների ներուժը՝ նա էլեկտրաէներգիայի հաղորդման գծերի ընդլայնումը դիտարկել է որպես էներգետիկ անհավասարակշռության կառավարման ռազմավարություն։ Իրան-Հայաստան նոր էլեկտրահաղորդման գծի գործարկումը կարող է մեծացնել երկկողմ փոխանակման ծավալները և հիմք ստեղծել էներգետիկ ոլորտում ավելի կայուն համագործակցության համար։ Այս գործընթացը կարևոր նշանակություն ունի նաև տարածաշրջանային էլեկտրաէներգետիկ ցանցի զարգացման և Իրանի ու Հայաստանի միջև տնտեսական կապերի ամրապնդման համատեքստում։