Ծովակալ Իրանի. Հորմուզի անվտանգությունը հիմնված է Իրանի պաշտպանների կամքի և պատրաստվածության վրա

ԻԻՀ բանակի ռազմածովային ուժերի հրամանատարը, ընդգծելով Հորմուզի նեղուցի ռազմավարական նշանակությունը, ասել է, որ այս ռազմավարական ջրային ճանապարհի անվտանգությունն ու Իրանի ազգային շահերի պաշտպանությունը հիմնված են երկրի պաշտպանների կամքի, զգոնության և պատրաստվածության վրա։

Ինչպես հաղորդում է Pars Today-ը՝ վկայակոչելով IRNA-ն, ծովակալ Շահրամ Իրանին, ԻՀՊԿ ՌԾՈՒ օրվա կապակցությամբ ուղերձում գրել է. «Իսլամական Իրանի համար ծովը կենսական շահերի ոլորտ է և ազգային անվտանգության ու հզորության պաշտպանության կարևորագույն դրսևորումներից մեկը։ Այս ճակատի պահպանությունը պահանջում է մարդկանց, որոնք հավատն ու գիտելիքը համատեղում են խիզախության և պատրաստվածության հետ և վտանգի պահին անմիջապես ներկայանում են մարտի դաշտում»։

Ուղերձում ասվում է. «Իսլամական հեղափոխության պահապանների կորպուսի ռազմածովային ուժերը Պարսից ծոցի կապույտ ջրերում տարիների ծառայության և պայքարի ընթացքում, հենվելով ներքին կարողությունների և ջիհադական ոգու վրա, արդյունավետ ներդրում են ունեցել Իրանի Իսլամական Հանրապետության ազգային շահերի և Հորմուզի ռազմավարական ջրային ճանապարհի անվտանգության պաշտպանության գործում։ Այս պատասխանատվությունը կրկնակի կարևորություն ձեռք բերեց Ռամադանի պատերազմի (փետրվարի 28-ին մեկնարկած պատերազմը) և Հորմուզի ճակատամարտի ժամանակ, երբ ծովում կռվող զինվորները, դիմակայելով ամերիկա-սիոնիստական դաժան թշնամու ագրեսիային, զգոնությամբ և խիզախությամբ պաշտպանեցին Իրանի տարածքն ու շահերը և ևս մեկ անգամ ցույց տվեցին, որ այս ռազմավարական գոտու անվտանգությունը հիմնված է Իրանի քաջարի պաշտպանների կամքի և պատրաստվածության վրա»։