Սգո արարողություն՝ Իսլամական հեղափոխության առաջնորդի և ուսանողների մասնակցությամբ
Իսլամական հեղափոխության մեծարգո առաջնորդի և ուսանողների մասնակցությամբ կայացել է շիա մուսուլմանների երրորդ առաջնորդ Իմամ Հոսեյնի և նրա հավատարիմ աջակիցների նահատակության քառասնօրյակի տարելիցի սգո արարողությունը:
Իսլամական Իրանի համալսարանների ուսանողների մասնակցությամբ կայացած սգո արարողության ընթացքում ունեցած ելույթում Հոջաթոլէսլամ Փանահյանը հասարակության կարևորագույն պահանջը կրոնական, քաղաքական, տնտեսական, մշակութային և հասարակական կազմակերպությունների ստեղծումն է համարել։ Նա ասել է.-«Ուսանողական կազմակերպություններն առաջնորդի շուրջ հավաքված կառույցների գործունեության լավագույն օրինակն են հանդիսանում»:
Հոջաթոլէսլամ Փանահյանը հոսեյնական Արբաինի ամենամեծ դասը համարել է Իմամ Հոսեյնին նվիրված միլիոնավոր հավատացյալների համահավաքը և նրանց հավատարմությունը առաջնորդին։ «Նման հոգեբանության առկայությունը կյանքի բոլոր ասպարեզներում և կրոնական միասնությունն ու զոհաբերությունը կարող է նպաստել իսլամական հասարակության խնդիրների կարգավորմանը»-ասել է նա:
Հոսեյնական Արբաինի սգո ավարտին Իսլամական հեղափոխության մեծարգո Առաջնորդի աղոթապետությամբ կայացավ ուսանողների հավաքական աղոթք:
