Մենարկել է Իրանի ԱԳ նախարարի հերթական շրջայցը Ասիայի արևելք
ԻԻՀ ԱԳ նախարարի գլխավորած քաղաքա-տնտեսական պատվիրակությունը շաբաթ օրը մեկնել է Հնդկաստան :
Իրանի Ռադիո-հեռուստատեսության լրատվական գործակալության հաղորդման համաձայն, Մոհամմեդ Ջավադ Զարիֆն ու նրան ընկերակցող պատվիրակությունն այս ուղևորության ընթացքում կայցելեն Հնդկաստան, Չինաստան և Ճապոնիա:
Իրանի ԱԳ նախարարը Հնդկաստանում կմասնակցի Փենջաբ նահանգում գումարվելիք «Ասիայի սրտում» նստաշրջանին, որը 2011 թվականից ի վեր գումարվում է Աֆղանստանի զարգացման ու անվտանգության նախագծերին մասնակցության նպատակով:
Իրանի ու Հնդկաստանի առևտրականների համատեղ նիստի գումարումը և Հնդկաստանի մշակութային ու քաղաքական էլիտայի նիստին մասնակցելը Զարիֆի Հնդկաստան կատարելիք ուղևորության ծրագրերից են լինելու:
Իրանի ԱԳ նախարարն Ասիայի արևելք իր ուղևորության երկրորդ փուլում կմեկնի Պեկին:
Չինաստանի քաղաքական ու տնտեսական բարձրաստիճան պաշտոնատարների հետ հանդիպումն ու բանակցությունը և երկկողմ հարաբերությունների քննարկումն Իրանի ԱԳ նախարարի Չինաստան կատարելիք ուղևորության ծրագրերից են լինելու:
Զարիֆն ու նրան ընկերակցող պատվիրակությունը Ասիայի արևելք ուղևորության երրորդ փուլում Տոկիո կմեկնեն:
Իրանի դեմ անարդար շրջափակումներից ազդված, վերջին տարիների ընթացքում Իրանի ու ճապոնիայի տնտեսական հարաբերությունները անկում են ունեցել: Այս ուղևորության ընթացքում երկու երկրի պաշտոնատարների տնտեսական բնագավառում խորհրդակցությունները մեծ նշանակություն կարող են ունենալ երկկողմ հարաբերությունների վերականգնման ու ընդլայնման ուղղությամբ:
