Թեհրան-Բեռն հարաբերություններն ընդլայնվում են
Դեկտեմբերի 8-ին Բեռնում ԻԻՀ նախագահի գրասենյակի ղեկավար՝ Մոհամմեդ Նահավանդյանի հետ հանդիպման ժամանակ, Շվեյցարիայի Համադաշնության նախագահ՝ Յոհան Շնայդեր-Ամմանն ասել է.«Երկու երկրի միջև տնտեսական համագործակցությունների ընդլայնման ճանապարհին ոչ մի խոչընդոտ չկա և անցած տարվա համեմատությամբ երկու երկրի տնտեսական փոխանակումների ծավալը կրկնապատկվել է»:
ԻՌՆԱ լրատվական գործակալության փոխանցմամբ՝ Շվեյցարիայի Համադաշնության նախագահը հստակեցրել է.«Շվեյցարիայի կառավարությունը ողջունում է Իրանի հետ տնտեսական համագործակցության ընդլայնումը տարբեր ,մասնավորապես բանկային ոլորտում»:
Մոհամմեդ Նահավանդյանն ասել է.«Իրանը և Շվեյցարիան պետք է ճանապարհային քարտեզ մշակեն որպեսզի թափ հաղորդեն տնտեսական համագործակցություններին: Շվեյցարիան կարող է նշանակալի դեր ունենալ ներդրումների և կապիտալի ապահովման գործում: Իրանական բանկերը այսօր պատրաստ են համագործակցել Շվեյցարական բանկերի հետ»,նշել է Նահավանդյանը:
Իրանի նախագահի գրասենյակի ղեկավարը դեկտեմբերի 7-ին ժամանել է Բեռն, Շվեյցարիայի համադաշնության նախագահի և այդ երկրի բանկիրների հետ հանդիպումներ անցկացնելու և երկու երկրի ֆինանսական համագործակցությունները քննարկելու նպատակով:
