Իրանի արտգործնախարարը կարևորել է Արևմտյան Ասիայի դերը միջազգային համակարգում
«Արևմտյան Ասիայի իրադարձությունները ուշագրավ դերակատարություն կարող են ունենալ միջազգային ասպարեզում»․ասել է ԻԻՀ արտգործնախարարը:
Կիրակի օրը Թեհրանում կայացած անվտանգության համագումարում Մոհամմեդ Ջավադ Զարիֆն ասել է.«ԱՄՆ-ի տեղաշարժերը հիմնականում կենտրոնացած են Արևմտյան Ասիայի վրա, որովհետև համոզված են, որ Ասիայի այս հատվածն ավելի մեծ ազդեցություն ունի տարածաշրջանային հարաբերությունների վրա»:
Բրիտանիայի վարչապետ Թերեզա Մեյին Պարսիցծոցյան համագործակցության խորհրդի նիստին հրավիրելու Արաբական երկրների քայլն անպարկեշտություն բնութագրելով՝ Իրանի արտգործնախարարն ասել է.«Կարգապահությունը պետք է ներծին լինի, այլ ոչ թե մի կնոջը հրավիրենք տարածաշրջան և նա ասի, թե ձեզ համար անվտանգության կանոններ կսահմանեն»:
Իրանի արտգործնախարարն ասել է, որ ավարտվել է հեգեմոնիայի ժամանակաշրջանը և ամերիկացիներն այն ենթադրությամբ, որ կարող են հեգեմոնիա ստեղծել, ներքաշվել են բազում պատերազմների մեջ, ինչը միլիարդ դոլարների վնաս է պատճառել:
Զարիֆն ասել է.«Հեգեմոնիայի մերժումը տարածաշրջանային կարգապահության գլխավոր սկզբունքը պետք է լինի»:
Իրանի արտգործնախարարը հավաստիացրել է, որ Միջին Արևելքում անվտանգությունը կհաստատվի տարածաշրջանի երկրների միջև փոխվստահությամբ ու համագործակցությամբ և այս փոխվստահությունը կարող է ամրապնդել տարածաշրջանային հարաբերությունները հատկապես Պարսից Ծոցում:
