ԱՄՆ. Միջուկային շարժիչ արտադրելու Իրանի որոշումը չի խախտում միջուկային համաձայնագիրը
ԱՄՆ պետքարտուղարության խոսնակն ասել է. «Միջուկային շարժիչ արտադրելու ԻԻՀ նախագահի արձակած հրահանգը չի ոտնահարում Համատեղ գործողությունների ծրագիրը»:
ԻԻՀ Ռադիո-հեռուստատեսության լրատվական գործակալության հաղորդման համաձայն, երեքշաբթի օրը, արձագանքելով նավերի համար միջուկային շարժիչ նախագծելու և արտադրելու վերաբերյալ ԻԻՀ նախագահի հրամանին, Ջոն Քիրբին հայտարարել է, որ այն չի հակասում միջուկային համաձայնագրին:
«Մենք վստահում ենք Իրանի գործունեությունը վերլուծելու և ստուգելու ՄԱԳԱՏԷ-ի կարողությանն ու լիազորություններին»,-հավելել է Ջոն Քիրբին:
Ի հետևումն ԱՄՆ-ի կողմից Համատեղ գործողությունների ծրագրի ոտնահարման , ԻԻՀ նախագահ Հասան Ռոհանին Իրանի Ատոմային էներգիայի կազմակերպության տնօրենին հրահանգել է միջուկային խաղաղանպատակ ծրագրերի իրագործման համար և միջազգային պարտավորությունների շրջագծում ծովային փոխադրության բնագավառում օգտագործման համար միջուկային շարժիչ նախագծել ու արտադրել:
