ԻԻՀ առաջնորդի ելույթը` Մուհամմեդ մարգարեի ծննդի առիթով
Իսլամական հեղափոխության մեծարգո առաջնորդը Իսլամական միասնության կոնֆերանսի հյուրերի, համակարգի պաշտոնյաների և ժողովրդի հետ հանդիպման ժամանակ ասել է.-«Բրիտանիան միշտ փորձել է Արևմտյան Ասիայի տարածաշրջանում պառակտում առաջացնել»:
Այսօր Թեհրանում կայացած հանդիպման ժամանակ Այաթոլլահ Խամենեին ասել է.-«Այսօր տարածաշրջանում երկու գաղափարախոսություն բախվում են միմյանց: Առաջինը միասնության գաղափարն է, մյուսը` պառակտման»:
«Տարածաշրջանի զգայուն պայմաններում Ղուրանին ապավինելն ու Իսլամի մեծարգո մարգարի աստվածային ուսմունքներին հետևելը կարող է նպաստել իսլամական աշխարհի խնդիրների կարգավորմանը». ասել է նա:
ՆՎ Այաթոլլահ Խամենեին անդրադառնալով Բրիտանիայի քաղաքականություններին նշել է.-«Վերջին օրերին Բրիտանիան անազնվորեն Իրանին մեղադրել է տարածաշրջանի անվտանգությանը սպառնալու մեջ: Սակայն բոլորին հայտնի է, որ հենց Բրիտանիան է տարածաշրջանի ճգնաժամերի ակունքը»:
Իսլամական հեղափոխության առաջնորդն անդրադառնալով իմպերիալիստական ուժերի կողմից տարածաշրջանում մուսուլմանների միջև պառակտում առաջացնելու ջանքերին ասել է.-«Այսօր մեծ իսլամական աշխարհում առկա ճգնաժամերը հաղթահարելու համար անհրաժեշտ է պահպանել մուսուլմանների միասնությունն ու կրոնական համերաշխությունը»:
ՆՎ Այաթոլլահ Խամենեին նշել է.-«Իսլամական ժողովուրդների և երկրների միասնության պահպանման դեպքում հնարավոր կլինի պայքարել ԱՄՆ-ին և սիոնիստների դեմ և չեզոքացնել Պաղեստինի հարցը մոռացության տալու նրանց ջանքերը»:
Իսլամական հեղափոխության առաջնորդն անդադարառնալով Մյանմայում, Նիգերիայում և Միջին Արևելքի տարածաշրջանում իմպերիալիստների կողմից մուսուլմանների դեմ իրականացվող ոճրագործություններին, հավելել է.-«Նման պայմաններում ամերիկյան շիա և բրիտանական սուննի հոսանքները փոձում են պառակտում առաջացնել իսլամական աշխարհում»:
Իսլամական հեղափոխության առաջնորդը կարևորելով իսլամական աշխարհի միասնությունը, հավելել է.-«Շիա և սուննի մուսուլմանները պետք է խուսափեն պառակտիչ քայլերից և ապավինեն միայն Մուհամմեդ մարգարեի ու Ղուրանի միավորող ուսմունքներին»:
Հանդիպման ընթացքում ԻԻՀ նախագահ Հասան Ռոհանին շնորհավորել է Իսլամի Մարգարե Մուհամմեդի ծննդյան տոնը:
Անդրադառնալով իսլամական աշխարհում մարգարեի անունով որոշ հոսանքների կողմից իրականցվող բռնություններին, Ռոհանին ասել է.-«Իրանը մշտապես փորձել է պաշտպանել բռնահարված ժողովուրդներին և պայքարել ահաբեկչության դեմ»:
