Ամիրաբդոլլահյան.«Հակաահաբեկչական պայքարը չպետք է սահմանափակվի Սիրիայով»
Միջազգային հարցերով Իրանի խորհրդարանի նախագահի հատուկ օգնականն ասել է.«Տարածաշրջանում ԱՄՆ-ի սխալ մոտեցոմների պատճառով, ահաբեկչությունը տարածվել է և դրա դեմ պայքարն ու խաղաղ կարգավորման ճանապարհը չետք է սահմանափակվեն Սիրիայով»:
Դեկտեմբերի 22-ին, Թեհրանում ՌԴ ի դեսպան Լևոն Ճաղարյանի հետ հանդիպման ժամանակ, Հոսեյն Ամիրաբդոլահյանը հավելել է.«Եմենում, Լիբիայում, Բահրեյնում նույնպես պիտի պայքարել ահաբեկիչների դեմ և ճգնաժամը կարգավորել խաղաղ ճանապարհով»:
Ցավ հայտնելով Թուրքիայում ՌԴ դեսպանի սպանության կապակցությամբ, Ամիրաբդոլլահյանը շեշտել է.«Իրանի խորհրդարանը դատապարտում է այս անմարդկային արարքը և կոչ է անում պատժել այս հանցագործության հեղինակներին»:
Նա հավելել է.«ՌԴ և Իրանի խորհրդարանների համագործակցության ընդլայնումը դրական ազդեցություն կունենա երկկողմ, տարածաշրջանային ու միջազգային խնդիրների լուծման հարցում»:
Լևոն Ճաղարյանն ասել է.«Տարածաշրջանում և Սիրիայում Իրան-ՌԴ համագործակցությունը գոհացուցիչ է և տարածաշրջանի կայունության և անվտանգությանը նպաստող համագործակցությունները կշարունակվեն»:
