Իրանը կողմ է պաղեստինցիների իրավունքները պաշտպանող ցանկացած նախաձեռնության
Իրանի ԱԳ նախարարության խոսնակն ասել է. «Թեհրանը ողջունում է պաղեստինցիների իրավունքների վերականգնմանն ուղղված և Սիոնիստական ռեժիմի զավթողականությունը մերժող ցանկացած նախաձեռնության»:
Շաբաթ օրը, անդրադառնալով ՄԱԿ-ի ԱԽ հակաիսրայելական բանաձևին, Բահրամ Ղասեմին նշել է. «Պաղեստինյան տարածքներում քաղաքավանների կառուցմանն ուղղված Սիոնիստական ռեժիմի քաղաքականությունը լիովին հակասում է միջազգային օրենքներին ու իրավունքին, ինչն Իրանը բազմիցս ընդգծել է»:
«Եթե նկատի առմնենք, որ նախկինում նման բանաձևերը վետոի էին ենթարկվում, ապա ՄԱԿ-ի ԱԽ վերջին բանաձևի ընդունումը վկայում է Իսրայելի զավթողականությանը վերջ տալու և Պաղեստինի ժողովրդի իրավունքների վերականգման համար միջազգային հանրության վճռակամության մասին: Սակայն պետք է նշեմ, որ մինչ այժմ Իսրայելը չի հարգել որևէ բանաձև կամ միջազգային օրենք»:
ՄԱԿ-ի ԱԽ-ն ուրբաթ գիշեր 14 կողմ ձայներով վավերացրեց զավթված տարածքներում Սիոնիստական ռեժիմի քաղաքավանների կառուցումն արգելող բանաձևը:
Այս բանաձևի համաձայն, Սիոնիստական ռեժիմը պարտավորվել է դդադարեցնել Պաղեստինի զավթված տարածքներում, այդ թվում արևելյան Երուսաղեմում քաղաքավանների կառուցումը:
