Թեհրանում կայացել է Իրանի և Բրիտանիայի փոխարտգործնախարարների հանդիպումը
Իրանի և Բրիտանիայի փոխարտգործնախարարները Թեհրանում կայացած հանդիպման ընթցքում զրուցել են երկկողմ հարաբերությունների և տարածարջանի վերջին զարգացումների շուրջ:
Ֆարս լրատվկան գործակալության հաղորդմամբ, Բրիտանիայի ԱԳ նախարարի Միջին Արևելքի ու Աֆրիկայի հարցերով տեղակալ Տուբիաս Էլվուդի հետ Թեհրանում կայացած հանդիպման ընթացքում, Իրանի ԱԳ նախարարի ԱՄՆ-ի և Եվրոպայի հարցերով տեղակալ Մաջիդ Թախտ Ռավանչին քննադատել է Իրանի նկատմամբ Բրիտանիայի մի խումբ պաշտոնյաների դիրքորոշումները: Նա նշել է, որ դրանք հակասում են նախապես համաձայնեցված երկկողմ հարաբերությունների ընթացքին:
«Երկկողմ հարաբերությունների ոլորտում ցանկացած առաջընթաց պիտի կատարվի համատեղ շահերի և փոխադարձ հարգանքի հիմունքներով» շեշետել է Թախտ Ռավանչին:
Կարևորելով Իրանի հետ երկկողմ հարաբերությունների ընդլայնման և Լոնդոնի կողմից ՀԳՀԾ-ի ամբողջությամբ գործադրվելու անհրաժեշտությունը, Տուբաիս Էլվուդը հավելել է.«Լոնդոնը փորձում է վերացնել թյուրիմացությունները»:
